Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Danielle Trempont

Aller en bas 
AuteurMessage
lucyin



Masculin Nombre de messages : 636
Age : 64
Localisation : Sidi Smayl Marok
Date d'inscription : 01/08/2006

MessageSujet: Danielle Trempont   Mar 7 Aoû - 14:56

Èy' a ç' te-eûre

Bon dieu d' pitiè, pèrdèz sogne di m' moman. Èle a boutè s' conte dissus
têre èy' èle a yeû tél'mint d' miséres qu' al longue, ès' keûr vayant, i s'a
ûsè.

Bon Dieu, s'i vous plét, dijèz lî d' s'èrpôsér. Si vos l' lèyèz chûre sès
dondènes, èle èrtoûrn'ra toute vo cûjène, èle sè f'ra sote après l' savon,
après lès brouches èt lès sayas. Èle èrlav'ra tous vos bidons èt f'ra r'lûre
tous vos clicotias.

Bon dieu, f'yèz bin atincion a vos loques ! D'awè mètu a boûre toutes nos
buwéyes, i-gn-a lontins què s' dos a s'croque èyèt sès dwèts, yeûs', sont
fin crons d'awè r'poli èt rassèrci dès longuès swèréyes t't-ô-d-dilong.

Bon Dieu, pou m' fé pléji, n' lèyèz pus trin.nér vos-ostis. Oudoubin ,vos
vîrèz qu'intrè deûs cûjéyes, èl vîye djint dira co fouyî vo djârdin èt
rascoude a plène èscoûrnéye dè qwè rapôjî toutes vos fwins !

Bon Dieu da mi, fôt lyî fé 'ne place ô Paradis. Paç' qui môgré sès pwènes èt
sès coûtrèsses d'alène, môgré lès brognes, môgré l's-anoyes, sins mète in
seûl pîd su l' costè, èle a chû s' voye toudis tout drwèt.,èy' èle vos-a
vèyu vol'tî, Bon Dieu, tél'mint vol'tî qu' a l'après d' rin gn'aveut pus d'
grins ô nwêr tchap'lèt qu'on vint d' crwèsér sès mwins avè.
Èy' a ç'te-eûre, Binamè Bon Dieu ..

A ç'te-eûre, i vos fôt choûtér l' vwès d'in vî èfant qui vos prîye di prinde
sogne di s' moman qu'a drânè s' vikérîye durant.

(extrait de "Ene mîye di mi ")
Loukîz a : http://wa.wikipedia.org/wiki/Danielle_Trempont po mî cnoxhe li scrijheuse

Et so :
http://wa.wikipedia.org/wiki/Ene_miye_di_mi_%28proze-powezeye%29
po-z aveur li minme boket e rfondou.
Revenir en haut Aller en bas
Voir le profil de l'utilisateur http://aberteke.org
 
Danielle Trempont
Revenir en haut 
Page 1 sur 1
 Sujets similaires
-
» 1MP TREMPONT
» Tatie Danielle
» Après Tatie Danielle, on a Tatie Christiane !!
» Jugement :DANIELLE GRENIER
» Danielle - Vie ta vie au jour le jour.

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: