Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Ben Genaux

Voir le sujet précédent Voir le sujet suivant Aller en bas 
AuteurMessage
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Ben Genaux   Mar 8 Mai - 5:53

Dji rtoume so èn arimea ki dj' a rcopyî po l' Aberteke.

C' est do Ben Genaux.

http://wa.wikipedia.org/wiki/Ben_Genaux

Dji vos l' dene divant ls ôtes.

Disbåtchant, mins fén bea !!!

Dimegne

Dimegne
Co todi dimegne…

Des eures et des eures
A tourner come ene biesse di gregne
Sins vir el coleur
Di vos iys; sins pus sawè
Çou k' est cron, çou k' est droet.

Dimegne,
Co todi dimegne
Des eures et des eures
Sins vir persone
Come si dj' serî dins l' daegne.
Paski fouxhoz bén seur
S' i gn a ene sakî ki soune
C' est k' i s' a brouyî d' uch.

Dins ké trô fåt i ki dj' muche
Po n' pus etinde les djins
Ki pasnut so m' trotwer ?
Po n' pus etinde les gaméns
Djouwer al machine dins les poûssires ?
Po n' pus etinde li brut di m' cour
Ki toûne a sot ?

Dimegne sins coleur,
Dimegne di trop;
Fayé dimegne ki ndè finit nén;
Mannet dimegne k' i fåt uzer, uzer,
Ene munute å côp
Ene a ene …
Ostant m' mete ene coide dins m' cô.

Pus ni vijhén ni vijhene :
C' est dimegne po tertos
Ey on va pormoenner, endo?
Il ont metou,
-Cwè çki t' vous -
Leus belès lokes so leu dos
Po ndaler vir el dicåsse.

Pocwè fåt i ki l' tourniket, sol plaece
Toûne et racatoûne dins m' tiesse,
El ki m' cour bouxhe di cresse
Avou ses viyès årgudinnes ?

Pocwè n' nén vudî avou ls ôtes ?
On m' dinrè ptete on boket d' tåte
- Panse plinne, å rvey mårene -
Et dj' rinterrè ptete a totes les eures
Sô d' bire, di betchs et d' plaijhi ?

Nonna! Dji n' mi sin nén l' coraedje
Èm cour est nåjhi,
Ptete ki dj' n' a pus l' ådje ?
Fåt croere ki dji n' l' a djamåy yeu ?

Bon, c' est dimegne et dj' a peu,
Si dj' va sol plaece,
Di vos vir
Rire
Al dicåce.
Et nos dvrîs fé
On gros shonnance-di-rén;
Nos rwaitî sins nos vir.

Vos savoz bén
K' i gn a rén d' pus pire.

Fayé dimegne al crosse di tåte…

Ratindans l' samwinne
Paski, ç' dimegne ci,
Come tos ls ôtes,
C' est on dimegne
K' i fåt uzer, uzer,
D' ene munute a l' ôte,
Sins nos pårler …

Dimegne, co todi dimegne;
Dimegne
Di kegn.

Ben Genaux foû di "Skerlaxhes"
Revenir en haut Aller en bas
Voir le profil de l'utilisateur http://aberteke.org
 
Ben Genaux
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» VIVICA GENAUX

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: