Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Jean Goffart: Claudine Mahy, evnd.

Aller en bas 
AuteurMessage
lucyin



Masculin Nombre de messages : 641
Age : 64
Localisation : Sidi Smayl Marok
Date d'inscription : 01/08/2006

MessageSujet: Jean Goffart: Claudine Mahy, evnd.   Mer 30 Mai - 6:56

El Maujo dès walons vént di sôrtî in lîve su l’vîye èyèt lès tchansons da Djâques Bertrand. Myeû, èl lîve èva avou ène plaque CD dès « Tchanteûs d’ducace ». Is sont n’boune dîjène à tchanter en walon. Yeûsses, is r’pèn’nut à leû manîyère 7 tchansons da Djâques Bertrand. Si vos v’lèz l’ach’ter : info@el-mojo.be ou in p’tit côp d’fil au 071/643.123

Lès tchanteûs d’ducace sont n’boune dijène à tchanter en walon. Is r’pèd’nut dès tchansons conûwes pou fén discouvru èl walon aus djon.nes èyèt rap’ler dès souv’nances aus pîs-ancîyns. Is fèy’nut dès spèctaques èyèt anim’nut dès fièsses.

-------------------

El pârcoûrs da Claudine Mahy a stî dès pus spéciâls. Vénûwe au monde à Tchèslèt èl 29 jwin 1937 dins-ène famîye d’ouvrîs. Ele aveut 4 ans adon qu’èl guère f’yeut dès ravâdjes. Es’ papa èsteut ouyeû come baw’teû, mins a d’vu s’è d-aler. El twèt d’leû maujo n’a nén t’nu l’côp avou lès bombardemints.
Mins l’feume ènn’l-a nén yeû aujîye. Du contrére ! Ele a djoquè sès rêves pou s’mârier fôrt djon.ne adon qu’èle n’aveut qui 16 ans. Ele a d’vu al’ver s’famîye maugré in moncha di trèyins.
Ele a min.me boutè come fèrayeû. Ele a stî yène dès preumîyèrès feumes à bouter come tchafeû di pwèds loûrds. Avou èn-aute ome, èle a boutè dins l’boulindj’rîye-patiss’rîye qu’il aveut r’pris à Mârcinèle. Il a fét fayîte en dispinsant. Pou chûre, èle a fét lès mârtchîs en vindant dès loques dissus lès mârtchîs d’èl réjîyon di Châlèrwè.
Claudine mahy a fini pa r’vènu à sès premîs-amoûrs, èl musique. Es’ gamin v’leut djouwer di l’acôrdèyon.. C’è-st-insi qu’èle a yeû invîye di tchanter. Ele a adon 46 ans èyèt s’èr’trouve dissus lès scin.nes d’èl réjîyon.
Au cominch’mint dès-anéyes 2000, èle pârticipe à l’émissîyon d’èl RTB "Pour la Gloire". Rolà, èle a in bia suc.cès dissus l’nô da Mémé Loubard. C’èsteut d’ayeûrs èl tite d’èl tchanson en walon bén seûr ! Ele s’aveut présintè avou dès bleûs tch’fias èyèt dissus ène grosse moto. Min.me Antène 2 l’a fét d-aler à Paris. Pou chûre, èle a ach’tè n’pètite sale di spèctaque loméye «  èl Bwèsse à Music". Bén seûr, èle i tchanteût, mins r’cuveut dès-ârtisses d’èl rèjîyon.
Dispus saquantès-anéyes, ès’ santè s’a agravè èyèt s’aveut r’trouvè dins-ène maujo di r’pôs. Ele nos-a quitè dins l’gnût du 10 à 11 décembe 2017. Mins sès tchansons èd’meu’ront toudis dins no coeûr èyèt pass’ront à l’radîyo. Si gn-a in paradis dès-ârtisses, èle dwèt seûr’mint i yèsse, lèye qu’èsteut toudis prèsse à rinde sèrvice èyèt a aidî lès djins.

--------------------------------------------------

Pou z-aprinde èl walon d’Châlèrwè, vos d-alèz dissus « You Tube » èyèt vos tapèz « Jean Goffart ». Vos-avèz adon ès’ tchin.ne «  G » avou chaque côp n’dîjène di mots mètus en walon èt en françès dins-ène frâse. En clitchant, vos-avèz l’ocâsîyon d’ètinde èl prononciâcîyon dès scrîjâdjes.
Jean Goffart a ètou ène pâdje « Facebouc » woù-ç’qu’i gn-a qui du walon. Tous lès djoûs, gn-a du nouvia : on-i trouve ârtiques, tèc.ses, annonces di spèctaque, imâdjes di BD, di plaques 45 t ou di lîves, blagues, p’tits trucs, … en rapôrt avou l’walon. Etou, on-i pâle d’ès’ n-émissîyon walone du dimègne !
Revenir en haut Aller en bas
Voir le profil de l'utilisateur http://aberteke.org
 
Jean Goffart: Claudine Mahy, evnd.
Revenir en haut 
Page 1 sur 1
 Sujets similaires
-
» Jean-Pierre vous explique la vie en couple
» Je fais toujours les choses qui [...] plaisent [à Dieu]. — Jean 8:29.
» intervention de Jean Lassalle
» Saint-Jean-de-la-Neuville
» La frégate Jean de Vienne et Besançon

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: