Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Désiré Malet

Voir le sujet précédent Voir le sujet suivant Aller en bas 
AuteurMessage
lucyin



Masculin Nombre de messages : 616
Age : 63
Localisation : Sidi Smayl Marok
Date d'inscription : 01/08/2006

MessageSujet: Désiré Malet   Ven 14 Avr - 14:15

Cèst yute. . .

                      Nos n’sèrans pus jamês ni djon nes ni bias, çu k’èst yute èst yute, mê nos, lès pu vîs, nos’avans totes nos’ aujes po yesse eureux èt co plêjants èt min me po paurti do boneûr autou d’nos.

            Si èle mosture one lêde maye mau rivnante, li pu vaillant si distoûn’rèt voltî dol pu djoliye comére. Causez m’ pu rade d’on bin rivnant visadge  tot ridèt avou dès ouyes come dès stwèles èt on bê grand sorire j’k’au orèyes : volà do boneûr ki rglatit, dol djoye dins vosse keûr po on momint.

            Ci sorire là èst’à l’pwartée di tortos, minme do pu minabe : si i sorît, èt ki l’ a dandgî d’vos, vos sèrez aujîmint pu dècidèt  à lî fêt plaîji, à lî dnèt on côp d’mwin, di voltî l’aspalèt dins sès euves.

            A nos’t’âdge, on n’dare pu d’on ran sins toûrnèt dins s’tiesse lès pondants èt lès djondants divant do d’nèt li boune response à çou ki s’présinte, po discomèlèt li pu malaujîe dès rascrauwes, po dîre lès mots ki rapaujnu.

            Ci n’èst nin  trisse di divnu vî : i nos faut tchwèsi li maniére do vikèt çou ki dmeûre di nos’ vicaiyerie ! D.M.
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 616
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Désiré Malet   Ven 14 Avr - 14:26

Zîré pèstuleuve dispoye k’on nn’èt cause su l’gazète èt au posse. L’ôte djudi, i s’a rtrovu à l’gare centrale di Bruxelles, a gripèt lès laudgès montéyes, èt là, divant li statuwe da Godfroid, intrèt dins li muséye « MAGRITTE »
 
            Comme tos lès cis ki somadjèt tot fêr, ki s’lèyet prinde pa lès blancs nouadges èt ki plèt dimorèt lontimps moyas divant li solê ki s’va èdwarmu, dji vèt voltî lès pintures dès « surréalisses ». Onk dès mèyeus, por mi, c’èst René Magritte, on walon k’a skèpyi èt 1898
à Lessines. A quatôrs’ans, si mére va si suicidèt èt çoulà va fêt one sakwèt dins si pinture : i n’n’aurèt dès sovenances tote si vîye èt lès siyincieus plèt vos mostrèt li preuve dins mwinte di sès euves.
 Mê d'oû vint k' on pout véye si voltî ci t’ârtisse là adon ki vos toûne pa dès côps à bourike ?
Malaujî do responde por li tot seû ! Di pu, si one pinture vos fêt d’l’ouye, vos’ camarade pas’rèt yute sins l’riwêti : tchake si vîye !
Cçou ki gn’a d’sûr,c’èst ki René a yu do plaîji à rasson’nèt dès afêres ki n’vont nin esson’ne, insi, dins « l’Empire des lumières » i mosture, on cièl bleuwe di djoû avou dès blancs nouadges ; pa d’vant,  one ruwe, on vèvî èt one maujon dol' nut’. I gn’a co dès ôtès imaudges ki nn’èt catchèt ds’ôtes èt i nos lêt advinèt kwè, dès côps ki vos mine à tûzèt à ôte tchwès. I nos fêt bukèt avous sès imaudges téle ki li tchandèle ki dène dol’ nware lumière, dès oûgês di pîre èt ki sont ètou dès vètès fouyes d'aube.
Kan vos vos’astaurdjez, Magritte vos sbare, vos mèt ku dseu ku dso, vos fêt veuye pu long, pu laudge.
 Tot sôrtant do muséye, on z’èst tot èfoufyi : poqwè çouci, èt powqè çoulà ? I fôt un momint po rtoumèt lès pîds bin à plats su l’pavéye do l’plèce !
 
            Si çà v’dit, sèmedi ou on’ ôte djoû, alo veuye, si c’èst vos’ goût ou min me si vos’astez tot simplumint curieus, vos sèrez asblouis, dji vos l’acertine.
 
 
                              D. MALET
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 616
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Désiré Malet   Ven 14 Avr - 14:38

Prèmîre lète da Sint Pîre

      Pîre, apôte di Jèsus aux ètranjîrs dol dispéréye, do Pont, del Galatie, di Cappadoce, d’Asie èt co di  Bithynie, rèlîs d’après Diè li Pére dins li bone soce di l’Esprit po choûtèt Jèsus èt yesse bènis pa s’song.

A vos tortos, lès faveûrs èt li pais à blame. Ki li Bon Dju sôye bèni, li pére di nosse Sègneûr dins si grand pârdon ; I nos’a

rastampèt pa li r’vicaedge do Sègneûr k’a brokèt foû dès mwarts po on vikant espwêr, po one bone èritance sins toûr di godis èt ki vos’èt promètu au ciél à vos’autes k’estéz prèt’s po lès dêrins momints. Vos î triyanez di djôye, portant, i vos faurèt co dol pasiyince, fé preûve di vos’ fwèt come di l’ôr, po divnu one boune sakî èt l’oneûr do Chris’ quand I rvêrèt.

           Sins l’aveur vèyu, vos l’vèyez voltî ; sins l’aveur vèyu, vos wespiyez d’one fèle djôye èt  vos estez acertinès do rcîre li sêwadge. (sauvetadge ?)

Ci sêwadge là,  profitauve por vos, a stî anoncèt pa lès profêtes : i z’ont cwèri lès pondants èt lès djondants èt sayi  d’advinèt quand Jèsus sèrèt dins lès pwin nes èt pu après dins li pu fèle dès glwêres. I z’ont saîsi ki ci n’esteut nin por zèls, mê pu rade por vos ci mèsadge là  èt  po lès cis’ ki causèt di l’Evangîle.

Min me lès andges nn’èt pôrin n’ yesse djalous !

           Tinéz dreu vos’ cervia, wêtéz à gougne po n’nin passèt iute di ci ki gna à rcîre dès lumiéres do Chris’.  Come dès èfants qui choûtèt, ni vos lèyez nin alè à vos viyès abitudes di qwand vos n’compurdî rin.

Dol min-me maniére ki li Ci ki vos houke èst Sint, divnéz Sint dins dot vos’ vicadje.

I l’èt d’alieûrs sicrît : « vos sèréz sint paceki dji su sint. » Et si vos loméz Pére li Ci ki pèse sins fêt di pu po onke ou po l’aute, minez v’ bin au long di vos’ vicaiyerie, min-me long di d’ci.

Ci n’èt nin pa l’ôr oudobin l’ârdgin ki vos’ estez chapès dès vîyès maniéres di vos ratayons, mê bin pa on rare song : li ci do Chris’ ; on l’a advinèt dispôye longtimps èt çoulà sorvint asteure por vos.

Avou Li,  vos crwèyez à Diè co l’a fêt ravikèt èt Li a d’né li glwère. ki vos’ fwè sôye di min-me ki vos’t’ espwêr.

           Tot siyant li véritè, vos’âmes divnèt sintes po vos veuye vormint voltî come dès frés

Di bon keur, in-mez vos onke l’aute sins relache, ravikès avous lès causadges do Diè qu’èst vikant po todi : « ca tot cwarps èst come l’yèbe èt tote si glwère come li fleur d’yèbe ; l’yèbe flanit èt li fleur tché ! Mê li causadge do Sègneûr  dimeure po todi. »

C’èst ci causadge là k’èst li Bone Novèle por vos.

           Tapez foû totès caponeriyes, douces alin nes, djalouseries èt totès mau-dijances.

Come dès èfants al’ fachète, bèvez do pur lècia po créche dins li sêwadge di vos’t’ âme por ostant ki vos gostîche ki li Sègneûr èst binamé.

Parvinez d’dé Li, pîre vikante, tapéye dju pa lès omes, mê rèliye come on trésôr addé Diè. Vos’autes ossi, estez pîres vikantes maç’néyes sol’ bâtimint ki siève à l’oeuve do Sègneûr èt bin riçue pa l’ Bon Diè. Ca il èst scrî : « voci ki dji maçnéye èt Sion, one fèle pîre di cwane, rèliye, insi, l’ovrî pou s’î fiyi. »

           L’oneur èst por vos, lès crwèyants, mê po lès autes mau-crwèyants : « ci pîre là èst divnuwe li fèle pîre di cwane ; i gna dès cis’ ki s’margouyeront po s’pîre là, dès autes tchéront à cause di lèye. » I s’trèbukeront à cause di leu mau-crwèyance ; c’èst po çoulà ki sont advinus.

           Vos’autes, vos avez stîs  tchwèsis come sint payis, on peûpe rèlî po z’anonci lès paters au Ci ki vos’ a aminèt al’ clârtè  do djoû : divant, vos n’estîs k’on tropê, asteure, vos astez li peûpe da Diè !

Vos n’estîs  nin co si prôpe dins vos’t’ âme ; asteure, vos avez ricî li pardon.

           Mès binamés, dji v’dimande vormint come ètranjîrs ou voyadjeûs, di vos’ abstinu dès mwaîs plaîjis ki vont à l’esconte di vos’t’âme èt li fiyêt do twârt.

Minez v’ bin au mitan dès mau-tôurnès ca i causèt mau d’vos come mau-fiyants.

Vos’ bone vicaîyerie lès’ aminerèt à priyi èt tchantèt li glwêre do Sègneûr kand I rvêrèt.

           Po l’Sègneûr, choutos bin lès cis qui vos minèt su l’bole, kékefiye èvoyis par Li po aurgouwèt lès mau-fiyants èt complimintèt lès cis ki oeuvrèt po l’bin.

Ca c’èst li volontè da Diè ki, oeuvrant po l’bin, vos clapîche lès mwaiches linwes dès mau-pinsantès biesses. Œuvrés come vos l’vlez  vos min-me, nin toûrsiveus, sierveus di Diè ; veyez voltî tot lès dgins, surtout vos frés, siyez Diè di bon keur, bistokez li Rwè.

           Vos, lès domestics, choûtez vos maîsses, bin sûr lès amichtauves, mê ossi lès pu malaujîs, ca c’èt bin do sopwarter lès pèsantès pwin-nes pa amichtè po Diè.

Ké pwin-ne vormint à sopwarter lès justès pwin-nes ?

Mê si vos fiot li bin èt sofru quand min-me, c’èst’one grâce addé Diè. Vormint, c’èst çou ki vos ratind ca li Chris’ a ossi sofru por vos èt mostrèt insi k’Il faut sîre au vèna, Li ki n’a fêt nol mau. « I ‘a nin stî toûrsiveu quand l’a stî mautraîti .» I n’a nin rindu li mwaîs côp d’linwe, sofrichant, i n’man’seuve nin, mê rilancèt pu rade li Ci ki pèse tot bin justumint. « Su l’crwè di bwès, Il a pwartèt nos pètchîs dins s’cwârps » po ki, mwarts à nos pètchîs, nos vikinches po l’onêtreté. Vos estîs pierdus come dès bèdots èt asteure, vos estos rachon-nèts paujères autou di vos’ Bierdgî.

Dol si fête maniére, vos lès feumes, choûtez vos’ omes, min-me si i n’siyèt nin li Parole, po ki soyinches binauches do veuye kimint leus feumes si minèt. ki vos’biaté ni soye nin di d’foû d’vos, twèlètes èt orèyeries, mê bi dins vos’ keur, dins vos’t’âme douce èt paujère : volà çou ki Diè veut voltî. C’èst’insi ki dins l’vî timps, lès sintès dgins vèyin-nes voltî li vicadge di leus’ omes. Sarah, vos’ vî mére à tortotes choûteu Abram en l’lomant « si sègneûr » ; vos’astez sès èfants si vos v’minez sins v’z’èwarèt, sin yesse disbautchîes.

Vos lès omes, minez on bon vicadge avou zèles, en lès compurdant tot lès mètant à l’oneûr : c’èst zèles ki discloyèt li vîe : vos paters griperont addé Diè.

           Adon, vos’autes tortos, rachonés  dins li « veuye voltî », èt li pârdon, kékefiye agngnolèt, rindan li bin po l’mau, bénichez vos frés èt vos sèrez bènis à vos’tour.

« Li ci ki vout in-mèt li vîye èt aveur dol binauchté  dins sès djoûs dut tinu s’linwe èt sèrèt sès lèpes dès invanîyes èt di totès mwaîches divises, si mète èrî do mau, fêt li bin èt cwèri li pais, ca li Sègneûr tint lès jusses à gougne èt choûte leus paters ; li Sègneûr veut èvî lès cis’ ki fiyèt li mau. »

           Et ki vos frot do mau si vos’avez li dâr po l’bin ?

Soyez binauches d’alieûrs quand vos soufrichrez po l’justice, ni v’s’èwarez nin èt nin yesse disbautchis ; ki do contrêre : dins vos’keur, bènichez li Sègneûr, todi près’ à z’esplikèt vosse crwèyance, vos’t’espwêr. Fiyé l’ avou douceûr èt rèspèt, drwèt dins vos botes, insi vos pôrez vos disfinde èt èsplikèt vos’ bone drwèture dins l’Chris’, ca i vaut mî sofru tot fiyant li bin ki fiyant li mau ; poro valu ki Diè li vluche bin.

           Chris’ èst mwart on seûl côp po tos lès pètchîs, Li, Jusse po lès injusses,  po nos minèt à Diè ; touwèt pa s’cwârps, ravikant pa l’Esprit. C’èst’insi k’ I l’a stî prêtchi èt prîjon aux cis’ ki ni crwèyinn’nin à l’pasiynce èt à l’pârdon da Diè.

           Zèls iûte avou Noé, k’ont bâti li grand batia, ont stîs chapèts dès grandès’ êwes : vèyos : çoulà riprésinte dèdjà ki c’èst l’êwe do batème ki vos chape dol’ man-nestèt èt vos’ ègadge dins li bone consiynce po Jèsus-Chris’. Li èst passèt au dizeu dès andges, di

tot ci k’estot  li pu hôt èt li pu fwart po rdjonde li drwète di Diè.

           Pinsez’î bin : li Chris’ a sofru dins s’cwarps, adon nos plans dire ki li ci k’a sofru dins s’cwarps n’èst nin dins l’pètchî. Po çou ki nos dmeûre à vikèt, ki s’sôye dins li dar di Diè. Eles sont bin yutes totes lès canailleries, lès disbautchances, lès sôladges èt co do priyi totès idoles.

           Lès payins si sbarèt pace ki vos n’dârez nin su tos cès pètchîs là èt i bèrdèlèt su vos’autes : i s’esplikeront avou li Ci ki juche lès vikants èt lès mwarts.

C’ès po çoulà ki li Bone Novèle a stî anoncéye à tortos, mwarts èt vikants. Ki vikinche come li vout Diè !

           Li fin did’ tot n’èst nin long, adon, i vos faut yesse binamés, fêt à mèsère dins l’amougnèt èt l’beure èt dins tot vos’vicaedge. Apreume, oyez bon keur intur vos’autes, cèst li bon moyin po fêt li mwins’ di pètchîs ; dinez v’ à lodgi onk l’aute sins grûlèt.

Chaque avou çou ki l’a, siervez v’ onk l’aute avou l’amistèt da Diè ; tot çoulà po ki li glwère di Diè passe pas Jèsus-Chris’. A Li, tote li glwère èyèt li fwace  po todi !

           Mès binamés, ni vos’èwarés nin po lès bis’bisses intur vos po vos mète à l’èpreûve come si c’esteuve on sakwè d’drole. Mê si vos tuzez fèlemint à l’sofrichance do Chris’, rafiyez v’ ki li djoû ki rvêrèt, vos v’sintîs lèdgîres èt dins one djôye sins parèye.

Soyez binauches si on v’z’a fêt dès’ afronts po vos’ fwè au Chris’ ca l’Esprit èst’avou vos.     Ki nol di vos’autes n’ôye à sofru come margouyeû ou voleûr ou moûdreû, min me racusète, mê si c’èst sofru come crustin, vos n’divez nin aveur onte : rindez glwère à Diè po çoulà.

Ca c’èst li momint ki li jugemint kimince pa li soce di Diè. Adon, si kimince por nos, ki sèrèt-ce po lès cis ki n’vlèt nin crwêre à l’ Bone novèle ? « Si li ci k’èst drwèt dins sès botes èst’à pwin-ne chapèt, li mau-fiyant, d’où va-t-i s’mostrèt ? » Voci ki lès cis’ qui sofrichèt avou l’acward di Diè èt ki fiyèt li bin dinèt leus’ âmes au Ci k’a fêt li monde.

           Lès vîs come mi, tèmons dès rascrauwes do Chris’, nos d’vant yesse là po li glwêre dès dêrins djoûs.

Pachez li tropê da Diè tot wêtant bin à li, sins fwarci, mê avou plaîji, nin po yesse payis, mê di bon keûr, sins yesse grandiveus, sins wêti did’hôt èt tot mostrant li bone vôye ; èt quand li Bierdgî rivêrèt, I vos bistokrèt po todi.

           Dol’ min-me maniére, lès djon-nès dgins, choûtez ès vîs, soyez bin aclèvès onk l’aute, ca Diè kipite lès grandiveus èt dène l’amistè aux pitits ; bachez l’tiesse quand Diè l’dimande po ki vos r’dresse à prume ; tchèrdgez totes vos peûrs su Diè ca I l’a sogne di vos. N’èst fiyez nin d’trop dins l’amougni èt l’bwèsson, wèyez sur vos èt l’z’autes.

Come on lion, li diâle toûne autoû, cwèrant one sakî à crochi. Tinez bon, acertinés ol’ fwè, sèpant bin ki lès’ autes crustins dins l’monde ètîr ont sovint li min-me dôsséye à sopwartèt. Quand vos’aurez sofru, Diè, ki vos’a houkèt a paurti si glwère dins l’Chris’, I vos rimètrèt d’adreu, vos rèfwarcirèt, vos’ astokrèt.

A Li li fwace èt l’oneûr po todi !  Awè !

           Dji vos scrî tot çoulà pa Silvin ki dji veût voltî come mi fré po vos mostrer ki volà lès bonès matènes da Diè : tinez v’z’î. L’èglîche di Babylone, tchwèsiye dol’ min-me manière ki vos, vos r’mèt li bondjou ; mi fi, Marc, eto.

Rabressos vos onk l’aute avou amour, pais à tortos k’estez avou l’Chris’ ! Awè !
Revenir en haut Aller en bas
Voir le profil de l'utilisateur http://aberteke.org
Contenu sponsorisé




MessageSujet: Re: Désiré Malet   

Revenir en haut Aller en bas
 
Désiré Malet
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» escale a copenhague kobenhavn la petite siréne
» Énigme n°84 - Cheminée torsadée de Saint-Ouen-sur-Iton
» Bana Al Quaïda parlent des 19 combattants arrêtés et de leur détermination à tuer Kabila
» Comment obtenir la coloration désirée avec du henné?
» Pourquoi la nuit porte conseil

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: