Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 François Nyns / Pierre Faulx

Voir le sujet précédent Voir le sujet suivant Aller en bas 
AuteurMessage
lucyin



Masculin Nombre de messages : 620
Age : 63
Localisation : Sidi Smayl Marok
Date d'inscription : 01/08/2006

MessageSujet: François Nyns / Pierre Faulx   Ven 27 Nov - 12:59

Mins Pière, wice lès alîz cweri ?
In-a d'çoula 'ne bone trintin.ne d'an.nêyes, avou lès tot ptits mèssèdjes qu'il aveût scrît èt qu'i nos vindéve po 'ne pèce, Jean-Denys Boussart m'a fêt comprinde qui l' walon è-st-on fwèrt bê lingadje et qui, scrire avou s'coûr, c'èst çoula, scrîre è walon.
Quéque timps pus târd, qwand dj'ovréve à Marcinèle, lès copleûs d' Chârlèrwè m'ont fêt cnoh Djâke ét Bob, bî sûr, mins ossi, lès spots da Dejardin èt lès pinsêyes da Pière Faulx.
Insi, « in deûs mots qwate paroles », on s' poléve èspliquer è nosse bê lingadje èt d' quéle manîre! Dès mèyes èt dès mèyes di ptitès frâses qui nos dhèt djoyeûsemint, djustumint, sins fé dès him èt ham, çou qui n's-èstans, çou qu' nos valans, çou qu' nos dvinrans, atot nos fant tûzer bin lon.
Li sadjèsse d'on peûpe, djo! I-n-a bin pus d' powezèye divins tos ces ptits mèssèdjes-là qui dvins lès hopês di scriyèdjes qui n' sont tot djus' qui dès ram èt dès rim.
Ossi, tot l'timps qu'dj'a-st-ovré â comité del Walone, a-dj' fêt parète dès pinsêyes da P.Faulx dvins lès buletins.
A chaque fôre âs lives di Grâce, âs ècspôzicions, minme divins lès ârmonak da Noir Dessin, et d'vins lès cinq prûmîs N° d'Intrez don, Pière Faulx apwète, avou si-êr di rin, del djôye, - c'èst sûr, mins ossi del siyince èt do foû bon walon, c'est certin!
Èt l'îdèye sût s'coûsse pusqu'èl sale di Nosse Lingadje, à Lîdje, i-n-a dès pinsêyes da Pière âs meûrs èt qu' lès copineûs d'Indjis, lès câvôtîs d'Hu ont bon de lére à chaque assimblêye quéquès frâses dè scriyeû d'Djumèt.
Mins l' pus be dès complumints qui dj'a-st-oyou finer âs pinsêyes da Pière Faulx, ç' a stu â mûzèye di Hologne, là qu' ènn' aveût dès dîhin.nes on pô tot¬avâ divins lès sales. Atot 'lzès lîhant avou lu, Gaston Schoonbroodt mi dha :
« Mins c'èst quâ.zî l'évanjîle, çoula, Françwès! »
Normal, Gaston! C'èst l'âme èt l'coûr dè payîs walon!
I-n-a pus d'cint ans, André Delchef ricmandéve dè lèyî mori l' walon di s' pus bèle mwèrt : i fève trop' di twèrt â francès! C'èsteût sins compter avou Tâtî I'Pèriquî qu'aléve, quéquès an.nêyes pus târd, diner l'ehowe â Tèyâte walon, èt çoula, disqu'à l' dierinne libérâcion.
Li piéce da E. Remouchamp est plin.ne di spots.
I n'mi plêt nirn qui l'Walon moûre ; dji m'plê trop bin avou lu!
Lès pinsêyes da Pière Faulx èt l'dicsionere dès spots da Joseph Dejardin, polèt raminer brâmint dès djins â Walon.
Çouchal n'èst qu'ine sâye....eune di pus'.
François Nyns

1-L'âge
+ Li vèye, c'est ratinde, èco ratinde, mins qwand on n'ratind pus, c'est tot.
+ On n'sét nin, adon on sét et po fini, on n'sét pus ..... crohi dès djèyes avou ses dints.
+ On dit qu'lès djônes c'èst dès sâvadjes. Mins n-a dès cis qwand il ont-st-on volant dvins lès mains, leû djônèsse deûre dèdjà longtimps.
+ Ç'n'èst nin s'mureû qu'on veût qu'on dvint vî ; c’ est qwand on rèsconteûre on camarade di scole.
+ Li rossé qui dvint tchènou....di l'ôr qui dvint d'l'ârdjint.
+ Lès vis ont todi sogne dè progrès. Por zèls, ine inovâcion, c'est tot d'dreût on grand-bazâr.
+ Qwand t'as-st-ovré tote ti vèye, on t'done ti pinsion. Adon ti n'as pus qu'à fé t'djârdin. Ti prinds on rèstê èt ...t’oûveûres.
+ Qui rlouquèt-èle nos bèriques, sol timps qu'on dweme ?
+ Qwand i sont djônes, èle gâte si-ome, i gâte si fème. Qwand sèront vîs, i s' gâtront bin tot seûs.
+ Li vî coq d'aous' qui tchante co è meûs d' décimbe.
+ Qwand ine fème done si pièce à in-ome è tram, i s' pout bin dire qu'il est vî et qu' ça s' veût.

2-Ambition
+ Fir d'esse in-ome come on djvâ èt honteûs di n'aveûr qu'ine « deûs-djvâs »
+ A veûy li sôr di djins qu'on salûwe bin bas, on-z-èst tot binâhe d'esse divins lès cis qui n'ont qu' dès ptits bondjoûs.
+  I n'si fât nin djèter dès fleûrs à lu-minme? Wey mins s'i fat ratinde après l's-ôtes... Et i sont co capâbes de taper l' potêye avou.
+ L' ci qu'est hagnant avou lès ptits qwand il a fet 'ne bièstrèye, a stu côpé foû dè bwès qu'on fêt lès mêsses.
+ L'ambicion enn'a-st-abatou, rivièrsé et sprâtchî bin pus' qui lès ôtos.
Revenir en haut Aller en bas
Voir le profil de l'utilisateur http://aberteke.org
 
François Nyns / Pierre Faulx
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Le Dîner de cons
» PCF : Parti Communiste Français
» Daverdisse se souvient de son poilu français
» Les forces françaises en OPEX
» Les actualités de la Marine Française

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: