Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Christian Thirion

Voir le sujet précédent Voir le sujet suivant Aller en bas 
AuteurMessage
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Christian Thirion   Mer 19 Nov - 4:59

Li 29 di meûs d'Octôbe,dj'a rescontré Lucyn Mahin. Nos avans don, fait k'nohance !
Come dj'a décîdé d' bouter al tchèrète avou vos ôtes,dji 'm va prézinter !
Dji so skêpî  so l'copète di Lîdje,mins dj'a stu ac'lèvé à Sèrè ..
èt tot djône,don dj'a stu ovré à l'ouhène !

A c'moumint là,on djåsève co walon d'vins lès familes èt lès ouhènes !! Asteûre i-n-a pus sûr wère !
C'èst don tot djône qu'li walon èst rintré è m'tièsse !

I-n-a deûs-ans qu dj'a k'mincî à li scrire,!! 
c'e-st-è léhant lès Scriyèdjes di "J-F RENKIN" Scrîyeux  (li prumî po l'prôze).qui dj'a s-t-avou l'invêye di  scrîre è walon!

Lucyn Mahin mi d'minde çou qui à m'avis',i fåreût bin fé po l'walon !

Mins dji n'fai nin dèl politik ,c'èst bin come çoula qu'on s'fait dès inn'mis, dj'inme mîs d'raconter dès crakes.
bin qui d'vins l' politik ,i-n-a bramint des  crakeûs..ou pus rade dès bourdeûs..

Dji trove qui'l' walon ni s'pwète nin fwèrt bin !! bin qu'i poreût s'pwèrter co pus må ! (i-n-a todi pés èdon)

Bin ! m'avis'! awè  mins si vos n'èstez nin d'acwèrd, i n'fat nin m'ènnè voleûr!

1° -I fåreût qu' li'walon ni d'vinse nin on "folklore" qui n'seûye pus djaser qu'å téyåte !!
c'est on po trisse di vèyî dès cis qui djasèt walon d'vins eune pîce di téyåte et qui r'djasèt francès qwand l'pîce èst foû !!

2° -Djåser l'walon li pus possibe ås èfants ! èt arèster d' dîre qui c'èst grossîr!!

3° Sayî d'lèyî toumî quèkès vîlès manîres, qu'on lèyèt d'vins l'walon..

Dji n'veû nin bin on djône di 18 ans dire a s'crapåde (dji vos veu volti)...
i fåt sayî di div'ni on pô pus di nosse tins et d'vins les èmissîons è walon d' mète in'saqwè d' pus djônes ,
qui d'mète tofer dès cis qui dansèt come a 18è s...(minme si dji rèspècte cès djins là)
qwand les djônes vèyèt çoula i corèt turtos èvoye !!

4° èt poqwè nin po lès patrons qui ègadjèt dès djins ,scrîre so l'anonce " li k'nohance dè walon è-st-in atote (atout)
I l'fèt bin avou l' Lucsamboûrjoi !!!

çoula c'èst co l'pus åhêye qu'on pout fé!

5° Li pus malahêye èt l'pus consécant ..
Fåreut r'sôrtî  l'décrèt di Mayeur Boland qui voléve rimète li walon è scole !
mins come nos èstant d'vins l'fédéråtion"( walonrèye-brussèle) et qu'lès Brus'lêrs ni volèt nin mète di çances po l'walon
l'décrèt Boland riskèye di d'mani lontins è ridant .
Fåreut don po bin fé..eune fédéråtion walonrèye tot court ! mins c'n'èst nin co po d'min !!

èt po fini, come d'hève Marcelle Martin

Tant qu'i n'årè-st on Walon 
po-z aprinde å rdjèton 
li lingadje di s'père 
todi n'årè-st ine cwène di tère
qui mågré lès candjmints d'patrèye,
on noumrè firmint Walonrèye.


Christian Thirion ( l'blawète)..li 04 di meûs d'nôvimbe.
Scrît è walon d'Lîdje (serè r'mètou è r'fondou dins l' Rantoele 72)
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Christian Thirion   Lun 24 Nov - 11:59

1)
-Ad'vina
- Quène diférince i-n-a-t-i inte ene blanke dame(fée) èt ene macrale ?

R- deûs-annèyes di marièdje !
----------------------------------------------------------------------------------------------
(2) C'è-st- insi !!... I våt mîs èsse wiyinme qui vèf !
I-a mons d'papîs à rimpli !!
----------------------------------------------------------------------------------------------
(3)
Ad'vina !
Quéne diférince i-n-a-t-i inte in-ome èt s'"bébé" ??

R- on pout lêyî l'"bébé" tot seû avou l' "nounou" !
---------------------------------------------------------------------------------------------
(4)Consèy po bin viker !

I-n-fåt nin beûre å volant ....i fåt beûre al botèye !
---------------------------------------------------------------------------------------------
(5)
Al parfoumrèye intêure ine djône comère ...

Lèy :-Bondjou...dji voreû on "déodorant" po m' galant !!!!
-Li vindeûse :-on"déodorant" à boule ???
Lèy :-Bin nèni..On "déodorant po li d'zos dès brès'
----------------------------------------------------------------------------------------------

(6) Al nut'..on côpe marié ..

Lu : Mamour,mi p'tite nokète..c'est qwand qu'on fait l'amoûr ??
lèy:...Mi c'èst d'min èt twè ???
-----------------------------------------------------------------------------------------------
(7)
Deûs soçons s'rèscontrèt .

"Salut" René...d'min al sîze,ça t'dirè....heu ! ene "partoûze"?
-bin sûr ....èt k'bin sèrans-nos ??
-Ben,si t'feume vint on s'rè treûs !!
-----------------------------------------------------------------------------------------------
(Cool
Deûs djônes comères tchaftèt

- Tu foumes après l'amour ???
-Dji n'sé nin,dji n'a nin loukî !
-------------------------------------------------------------------------------------------------
(9)
Al sîze,on cope s' coûkèt....Li mari carèsse li brès' di s'feume ..

-Lèy: d'min dji va amon l' "jinécologue" !èt dji vou d'manî frisse !
I s'ritoûne peneû...
Quékes munutes pus tård .....
D'min t'as ossi radjoû amon l'dintisse ????
----------------------------------------------------------------------------------------------------
10) Ad'vina...Po vindjî lès blondes !
Poqwè lès crakes so lès blondes sont èle si coûtes ??
R:- Po qu'lès-omes lès comprindèt èt qu'lès breunes s'ènnè sov'nèt !
--------------------------------------------------------------------------------------------------------------
11) In-éfant d'minde à s'père :
-Qui m'a d'né m'sûtanze ??
-C'èst sûr mame,pace qui mi, dj'a todi l'min.ne !
------------------------------------------------------------------------------------------------------
12) Ad'vina !!!
K'mint d'ner pus di lîbèrté ås feumes ???
-R: -Fåt ragrandit l'couhène !!
-----------------------------------------------------------------------------------------------------
13) Deûs-omes djåsèt:
Li prumî :-L'divôrce c'èst gråve .
Ti feume ti cwite,èt èle ti prinds l'mitan di ci qu't'as spårgnî tote ti vèye !
Li deûzinme: -L'crîse économike c'èst pés ...!!Tu piètes li mitan di ci qu't'as spårgnî tote ti vèye ,
èt t'as todi t'feume !!
----------------------------------------------------------------------------------------------------
14)Tuzèdje
Qwand on-z-èst mwèrt ,,c'èst po lès-ôtes qui c'èst målåhaye !
Qwand on-z-èst "con".....C'èst parèy !!!
.............................................................................................................................
Li 16 di novîmbe 2014 Christian Thirion (l'Blawète)

Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Christian Thirion   Sam 20 Fév - 13:52

1) On gayârd tot-z-alant ovrer ..rèsconteûre eune crapôde avou dès  bèlès djambes...èt i tûze: ..
...: damadje qui m'fème n'a nin lès minmes !
on pô pus lon, i veût ine ôte avou on bê drî-min (1) ...
...: damadje qui m'fème n'a nin l'minme !
Tot riv'nant , i rèsconteûre co eune crapôde avou eune bèle pwètrène ..
...: damadje qui m'fème n'a nin l' minme !

Tot rintrant è s'mohone, i dit a s'fème : dj'a tûzé a twè tot dè long dè djou !

(1)drî-min = (croupe-derrière-fessier)

------------------------------
2) Lès fèmes vikèt pus vîles qui lès-omes ,c'èst çou qu'on dit !(sih annêyes po lès calculs),
...èt po rapiçî l'tins..c'èst po çoula qu'lès-omes  ni fèt nin l'manèdje... èt l'amagnî nin pus !
------------------------------

3) Madame li colonèl  è-st-a l'årtike dèl mwért !
Si-ome,(li colonèl),li d'mande : 
M'as-s' dèdja fé wiyinme (cwèrnou) !
Èle lî rèspond: Awè mamoûr ! Mins rin qu'deûs côps ..
Lu: Rin qu'deûs côps...dji tûzéve qui c'èsteut bin pus' qui ça..èt avou quî ?
Lèy: On côp avou l' jénéral ...
Lu: Ah..l'crapule !
Lèy: Èt on côp avou l'rèdjimint !
------------------------------

4) Ine cope di hanteûs  v'nèt di s'marier..

Lu,: Asteûre on n'rèye pus..c'èst mi qu'èst maîsse ! Hoûte bin ,vola k'mint ça va roter asteûre !
-li londi,dji m'va djouwer ås bèyes ...(1) 
si t'ès vola ,ça va..si t'ès nin la,..c'èst tot fî parèy !
-li mårdi,dji m'va djouwer å biyård !
si t'ès vola, ça va..si t'ès nin la,...c'èst tot fî parèy !
-li mèrcridi,dji m'va beûre on vêre,..
si t'ès vola,ca va..si t'ès nin la,...c'èst tot fî parèy !
Si fème lî rèspond: 
Avou mi ,n-a-st- eune règue,... dji fê l'amoûr a  tote eûre di nut'èt d'djoû.
si t'ès vola,ca va..si t'ès nin la,...c'èst tot fî parèy !

(1) bèyes =quilles)
------------------------------
(5) Deûs crapôdes buvèt on cafè al tèrasse d'eune cafétaria ! 

Eune dès deûs hoûke li chèrveû èt lî d'mande :
-Volez v'm'apwèrter on souke s'i v' plêt !
-Mins madame,dji v's-ènn'a d'dja apwèrter cinq' bokèts ...
-Bin awè,mins il ont turtos fondous !
------------------------------
6) Li cins'rèsse a toumé malåde ! Li cinsî èvoye Fèrnand,si valèt, cwèri l'docteûr ...

-Bin Fèrnand,dji v's-èvôye cwèri l'docteûr èt vos riv'nez avou l'årtisse (1)
-Bin ,vos m'avez dit qu'èlle aveût eune fîve di dj'vå !
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Christian Thirion   Sam 20 Fév - 13:53

(1)  On popa rinteûre di s'ovrèdje pus timp' qui lès-ôtes djoûs ,
èt veût so l'tåve dèl couhène treûs vêres à Calva !
I houke si p'tit gamin.
I-n-a-st-avu dèl vizite cist' après-nône ?
-L'gamin : 
On monsieû a v'nou èt moman lî a d'né , on Calva  po beûre !
Popa:
-Mins èt l'treûzinme vêre adon ?
-L'gamin: 
C'èst mi qui l'a bèvou !
Popa: 
Èt ,k'mint alèves-tu après ? t'aveûs nin må t'tièsse ?
-L'gamin :
- Mi ça n'm'a rin fêt ,mins moman èt l'monsieû ,bin... 
-il ont stu oblidjî  d'si mèt' è lét !

------------------------------
(2) In-ome passe eune vizite médikale !
L'docteûr :..Kibin avez v' d'èfants ?
-Traze docteûr !
L'docteûr :  Traze !.. avou l'minme ?
-Bin awè avou l'minme...mins nin avou l'minme feume !
------------------------------
(3) -È vacances al mèr, deûs p'tites båçèles djouwèt d'vins l'savion !
-Eune, troûve on critchon d'mér (grènåte) qu'èst mwért
... èt hop !...èle li mèt' è s'culote !
L'ôte lî dit :
-Poqwè fès-s' çoula ?
-Èle li rèspond :..chuuut...c'èst po sinti come lès grandes !

(critchon d'mér ou grènåte= crevette)
------------------------------
(4) Dji qwèréve on programe  "TV "po  loukî..mins ine saqwè qu'dj'inméve bin !
Dj'a mètou on mot "clé"..(drouke)...
adon on m'a mètou l'toûr di France  !
------------------------------
(5) Qwand ine crapôde vos  lome ( mamoûr,)..(mi mitan),..(.mi andje,)
våt mîs catchî vosse cwåte  "Maestro",ot'mint on djoû èle vos lom'rè "trézor " !
------------------------------
(6) Eune bèle blonde crapôde è-st-assiowe d'vins on cafè !
on valèt saye di v'ni ad'lé lèy !
-Volez v' on vêre  mam'zèle ?
-hum....Awè
L'valèt va qwèrî lès vêres !
-Tinez...mam'zèle..
-Lèy : Kibin dji deû ?
-L'valet....: Nèni, lêyî...c'èst por mi !
Lèy :  Lès vêres,c'èst por vos ? ...fåt todi qu'dji toume so dès "alcolos" qui n'tûzèt qu'a zèls !
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Christian Thirion   Mar 24 Mai - 12:52

pol Rantoele 77

1) On gayârd tot-z-alant ovrer ..rèsconteûre eune crapôde avou dès  bèlès djambes...èt i tûze: ..
...: damadje qui m'fème n'a nin lès minmes !
on pô pus lon, i veût ine ôte avou on bê drî-min (1) ...
...: damadje qui m'fème n'a nin l'minme !
Tot riv'nant , i rèsconteûre co eune crapôde avou eune bèle pwètrène ..
...: damadje qui m'fème n'a nin l' minme !

Tot rintrant è s'mohone, i dit a s'fème : dj'a tûzé a twè tot dè long dè djou !

(1)drî-min = (croupe-derrière-fessier)

------------------------------
2) Lès fèmes vikèt pus vîles qui lès-omes ,c'èst çou qu'on dit !(sih annêyes po lès calculs),
...èt po rapiçî l'tins..c'èst po çoula qu'lès-omes  ni fèt nin l'manèdje... èt l'amagnî nin pus !
------------------------------

3) Madame li colonèl  è-st-a l'årtike dèl mwért !
Si-ome,(li colonèl),li d'mande : 
M'as-s' dèdja fé wiyinme (cwèrnou) !
Èle lî rèspond: Awè mamoûr ! Mins rin qu'deûs côps ..
Lu: Rin qu'deûs côps...dji tûzéve qui c'èsteut bin pus' qui ça..èt avou quî ?
Lèy: On côp avou l' jénéral ...
Lu: Ah..l'crapule !
Lèy: Èt on côp avou l'rèdjimint !
------------------------------

4) Ine cope di hanteûs  v'nèt di s'marier..

Lu,: Asteûre on n'rèye pus..c'èst mi qu'èst maîsse ! Hoûte bin ,vola k'mint ça va roter asteûre !
-li londi,dji m'va djouwer ås bèyes ...(1) 
si t'ès vola ,ça va..si t'ès nin la,..c'èst tot fî parèy !
-li mårdi,dji m'va djouwer å biyård !
si t'ès vola, ça va..si t'ès nin la,...c'èst tot fî parèy !
-li mèrcridi,dji m'va beûre on vêre,..
si t'ès vola,ca va..si t'ès nin la,...c'èst tot fî parèy !
Si fème lî rèspond: 
Avou mi ,n-a-st- eune règue,... dji fê l'amoûr a  tote eûre di nut'èt d'djoû.
si t'ès vola,ca va..si t'ès nin la,...c'èst tot fî parèy !

(1) bèyes =quilles)
------------------------------
(5) Deûs crapôdes buvèt on cafè al tèrasse d'eune cafétaria ! 

Eune dès deûs hoûke li chèrveû èt lî d'mande :
-Volez v'm'apwèrter on souke s'i v' plêt !
-Mins madame,dji v's-ènn'a d'dja apwèrter cinq' bokèts ...
-Bin awè,mins il ont turtos fondous !
------------------------------
6) Li cins'rèsse a toumé malåde ! Li cinsî èvoye Fèrnand,si valèt, cwèri l'docteûr ...

-Bin Fèrnand,dji v's-èvôye cwèri l'docteûr èt vos riv'nez avou l'årtisse (1)
-Bin ,vos m'avez dit qu'èlle aveût eune fîve di dj'vå !


pol Rantoele 78

1) On côrbiyård èt ine trulèye d'ôtos trécôpèt on p'tit viyèdje...
On brave vî ome 'lzès veût passer èt d'mande a on gamin :
-Quî ç qu'on ètère là m'fi ?
-Dji n'sé rin,mins c'èst l'ci qu'èst d'vins l'prumîre ôto .
_________________________________________________
2) Pus rade qui l'vint dèl bîhe ,on curé pète èvôye foû dè kifèssionål èt rinteûre èl sacristèye tot brèyant :
Fèrnand, ! Savez ç'qui dj' vin d'aprinde a k'fèsse ?
-Vosse fème nos fêt pwèrter lès cwènes !
----------------------------------------------------------------------------------------------------------------
3) Djan, 19 ans,va vèy si p'tite crapôde ,Marèye
-Il èst priyî pa lès parints d'Marèye po soper .
Tot d'on côp Marèye si plind d'on må d'tièsse èt s'ènnè va s'ripwèser è s'tchambe..
-Bin sûr , li Djan l'sût...
-ine grosse eûre après,i rid'hind...
Li popa lî d'mande...-Est-ç qui ça lî va mîs m'fi ?
-Awè, asteûre ça va, dji lî a d'né ine bone drouke ! Ele va-st-ariver !
-Li popa ,tot vèyant s'brayète å lådje...Fwért bin Djan....
Mins si ça va mîs, sèrez vosse placård d'apotikère !
-------------------------------------------------------------------------------------------------------------------
4) In-ome téléfone a s'fème po lî dîre qu'il èst rit'nou å burau èt qu'i n' rinteûr'rè  nin d'vant l'nut' !
I rabize vé treûs-eûres å matin, rinteûre è s'tchambe,èt k'mince a s'dismoussî ...
Èt s'fème lî dit :
-Bin Djôzèf, èt vosse caleçon,..w'è-st-i passé ?
-No di Dui d'no di Diu....on m'l'a hapé !!
------------------------------------------------------------------------------------------------------
(5) å cafè, deûs-omes buvèt l'apèro...
-Mi fème è-st-in andje..
-V's-avez dèl tchance,pace qui mi, li meûne èst todi bin vikante !
-------------------------------------------------------------------------------------------------------
(6) Po-z-èsse ureûse ine fème a dandjî di qwate bièsses..
-ine "Jaguar" divins l'gårèdje
-on "Vison" su sès spales
-On Liyon è s' lét
-èt on bådèt po påyî lès factûres !
----------------------------------------------------------------------------------
(7) å tribunål:
V's-avez spiyî eune tchèyîre so l'tièsse di voste-ome ?
-Oh mins, ç'nèst qu'on tèribe acsidint, savez !
-Vos n' volîz nin bouhî so voste-ome ??
-Oh siya,mins dji n'voléve nin spiyî l'tchèyîre !
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Christian Thirion   Jeu 25 Aoû - 14:28

Pol Rantoele 79

1) Deûs fèmes dèdja d'adje si prézintèt al kêsse d'on cinéma ...

-Fez v' ine saqwè po lès vilès djins ??

Awè, on 'lzès dispiète al fin dèl sèyance !


--------------------------------------------------------------------------------------

2) Deûs p'tites vilès fèmes totes racafougnèyes divizèt ...

-Qwand nos-èstîz djônes, on voléve ravizer Brigitte Bardot ...

Awè, dji m'rapinse ...

-Et bin asteûre nos î èstans !

-------------------------------------------------------------------------------

3) Li bus èst tådrou (en retard)..èt l'tins passe..

Eune dès deûs vîlès fèmes, si toûne èt dit:

-ça fêt si tèlmint lontins qu'on rawåde assiowe so l'ban, qui dj'a l'cou tot èdwèrmou !

- Et l'ôte rèspond : Ouais dji sé ..dji l'a oyou soyî ås plantches !

--------------------------------------------------------------------------------------------

4) In-ome moûrt...

-I voléve si fé broûler !

Vola, qu'on l'mèt' divins on wahê, èt ..hop..on l'tape è feû...

-Li wahê broûle mins nin l'bouname...

On l'rimèt' divins in-ôte wahê èt on ratake...parèye...

li wahê broûle mins nin l'bouname..

Li vève anonce...ça n'm'èware nin,ça fêt trinte ans qu'i prind dès- (anti-inflamåçions ! )

------------------------------------------------------------------------------------------------------

5) A on grand raploû, deus waloneûs d'vizèt,d'vant on vêre di bîre !

-Loukez près d'l'uch, li grande blonde avou eune neûre cote, c'èst m'fème,èt l'rossète qui djåse avou,c'èst m'comère...!

-A bin ..on-z-èst fêt po s'arindjî, pace qui mi, c'èst l'contrêre !!

-----------------------------------------------------------------------------------------------------

6)D'vins l'trin, l'controleûr dit a eune bèle crapôde:

- Mam'zèle, v's-avez on biyèt po Brussèle, mins l'trin va-st-a Châlèrwè !...

-Mins dihez m', ça arive sovint å tchåfeû di s'brouyî d'vôye insi ?

-------------------------------------------------------------------------------------------------------------------

7)Eune bèle mére dit a s'bê fi :

Vos m'f'rez morî d'ponne !

-Tint mîs ! Insi, on n' ritrov'rè måy l'arme dè crime !!

---------------------------------------------------------------------------------------------------

Cool Deûs crapôdes d'vizèt a eune tèrasse dèl bate di Lîdje :

-Mi-ome, chake côp qu'il a fini di m'fé l'amoûr, i brêt come Tarzan...

-Wouah ! quéne santé !

-Awè....mins mi, ça m'dispiète !

----------------------------------------------------------------------------------------------

9)_Docteûr, mi-ome m'amèt' (=m'accuse) di djåzer tot dwèrmant !

Qui m'fåt-i fé ?

-Prindez astème a ç' qui vos d'hez !

-----------------------------------------------------------------------------------

10) Deûs båcèles qui studièt a l'U.L.B d'vizèt d'vant eune djate di cafè...


-K'mint ça va, avou l'grand Djake ?

-Oh fwért bin, mins il èst trop tîmide...

Insi, îr al vèsprèye,nos-èstans so on banc a l'citadèle .

Tot mètant s'min so mi gn'no, i m'a dit :

Mi p'tite poyète, dji v's-inme !

Là-d'ssu dji lî rèspond: " Pus hôt "...

Adon ,il a brêt come on vê :

"Dji v's-inme "!...
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Christian Thirion   Mer 30 Nov - 12:55

Pol 80

Bondjou Luçyin..........Vola mès crakes po ç'côp chal ! (diska pus' tård)


1) Ine bone vîle grand-mère dimande a si p'tit fi di 12 ans :

-Quéne sôre di fème  inm'reûs-s'  d'avu pus tård mi p'tit fi ?

-Dji voreû trover ine crapôde come li leune..
- Ti vôreûs eune fème bèle come li leune ?

-Nèni, dji vôreu qu'èle vinse al vèsprèye èt qu'èle pète èvoye al pikète dè djoû !

------------------------------
2) Deûs fèmes qui n'arivèt nin a aveûr in-èfant ont sûvou on trêt'mint a l'ospitå...

In-an pus tård,èle si rescontrèt mins n-a eune des deûs qui ratind famile dispôy 7 meûs..
-L'ôte dit:
-V's avez dèl tchance, mi li trêt'mint n' m'a rin fêt..
-Bin, a mi nin pus, mais dj'a stu vèyî in-èssok'teû (hypnotiseur) !
-Mi avou,nos î avans stu sî côps avou mi-ome èt ça n'a nin stu ...
-Ah bin sûr ça ! I faléve z-î aler tote seûle don !!

------------------------------
3) In-ome prind on tacsi avou si p'tit gamin.

Li tacsi mousse divins eune rowe wice ç'qui lès  comères  tinèt botike dizos  leûs cotes ....
Li gamin d'mande :
-Qu'èst ç'qui c'èst totes cès fème là ?
Tot djinné , li popa rèspond:
- Dji n'sé nin. Dji n'èlzès kinohe nin ...
Li tchåfeû d'tacsi dit :
-C'èst turtotes dès poufiasses !
Li gamin : Qu'èst ç'qu'èle fèt là, lès poufiasses ?
Li tchåfeû: -Èle racolèt...
Li popa såye d'intèrvini... :-Èle ratindèt leûs-omes !
-Ah ! Èlle ont in-ome ?
Li tchåfeû: -Èlle ènn'ont minme saqwants par djoû...
Li gamin : - Mins si èlle ont saqwants-omes, èlle ont bråmint d'èfants ?
Mins popa, qu'èst ç qu'i fèt tot cès- èfants-là qwand i sont grands ? 
- I div'nèt tchåfeûs d'tacsi m'fi !!

------------------------------
4) Å burô d' l' « Etat civil », eune djône comère vint s'inscrîre po s'marier...
Èle dimande å buralise:
È-st-i vrèy qu'ça pwète måleûr di s'marier on vinr'di ?
- Bin sûr don ! Poqwè vôrez v' qui l'vinr'di seûye a pårt _

------------------------------
 
5) In-ome rinteûre pus timpe di s'ovrèdje èt troûve si fème è s'lét avou l'plonkî ...
Adon,i brêt:
-Mins nom di Diu, ...qui fez v' là ? Vos sèpez bin qu'ç'è-st-a l'élèctricyin qu'on deût dès çanses !

------------------------------
6) Å comissariåt d'Lîdje, eune fème vint dèpôzer plinte ...po viol .

-Racontez-m', kimint èstéve-t-i ç t'ome la ?
-Bin come i féve neûr, ci n'est nin fwért åhèye, mins dji pou dîre qu'il èsteût Corse  !
-Qu'èst ç qui v'pèrmèt d'dîre çoula ?
-Bin pace qui c'èst mi qu'a tot fêt ...!

e rfondou dins l' Rantoele 80.
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Christian Thirion   Mer 22 Fév - 15:20

Pol 81

1) Eune djône crapôde dimande a si-ome...

-D'hez-m' poyon, quéne sôre di fème èst-ce qui vos vèyez  l'pus voltî, lès bèles ou lès malènes ?
-Nole dès deûs, vos sèpez bin qui dji n'inme qui vos don !

------------------------------
2) On p'tit cinsî sope avou s'fème qui lî d'mande ..
-Nosse gamin cause tos lès djoûs di "fèsse-bouc" avou ses camarådes å téléfone, 
dji voreû tot l'minme bin savu ç qui ça vout dîre...
-Vos polez èsse sûre qui c'èst co on novê truc èrotik di gad'lî !!

------------------------------
3) Vé deûs-eûre å matin, in-ome rinteure è s'mohone mwért-sô...
I r'sètche sès solés ås pîds dès montêyes, gripe sins brût ,..si dismousse sins drovi l'lampe,
si mèt' è lét, èt po gangnî s'plèce, qu'èst d'l'ôte costé..èt passe å-d-d'zeûr di s'fème,
A ç' moumint-là, èle droûve in-oûy èt lî dit ..

-Èspèce  di saligot ! Si dji  sèreû eune tutûte di cafè, ti n'pass'reûs nin oute !
------------------------------
4)Tot binåhe , in-ome vint d'fé s'båbe el sâle di bagn, èt brêt à s'fème ..

-Janète ! C'è-st-a n'nin creûre, qwand dji vin d'fé m' båbe come i fåt, dj'a 20 ans !!
-Èt bin adon, fê-l' tos lès djoûs d'vant di v'ni è lét !

------------------------------
5) ..È cafè
Vos prindez co bin dè Viagra vos, Jules...
...Bin, dès côps qu'i-n-a, qwand dji m'va coûkî avou deûs crapôdes..
A  coron dè contwèr,..on grand neûr nègue dè Katanga..
- (c'est qwè dè Viagra )
Podrî l'contwér li patrone lî dit ..
C'è-st-ine drouke po fé tinker lès-omes pus longtimps, !
-Avou çoula vos polez fé  l'amoûr 10 côps èn-è- rote !
Ah, bon !
- (Présentement), å katanga on loume çoulà  on  calmant .
------------------------------
6) Ine fème di qwarante ans prind l'trin a Lausanne po-z-aler à Paris.
Èle mousse divins on compartimint où ç'qui n-a on djône curé pwèrtant ine cote !
-Si vos pôriz mèt' mi bèle bwète di twèlète qui dji vin d'ach'ter pa-d'zos vosse cote,
ça m'pèrmètreût di n'nin payî eune taye !
-Bin sûr Mdame, mins dji deû vos fé rapinser qui si on m'pôze dès kèsses, dji n'pôrè nin minti !
-Ine miète pus tård, on gablou mousse è compartimint èt d'mande ..
-Vos n'avez rin a déklarer Mossieû l'Abé ?
-Dè l'tièsse al cingue, dji n'a rin !
-Ah bon, èt pa-d'zos ?
-Pa-d'zos dji n'a qu'on p'tit nècèssêre po lès comères qui n'a nin co chèrvou !
------------------------------
7) On carpê di 10-12 ans  è-st-èl vèye avou s'popa, qwant- i vèyèt passer on marièdje .

-Popa, poqwè ç' qui l'marièye èst blanc moussêye  ?
-Pace qu'elle èst fwért ureûse èt qu'èle vout l' mostrer à tot l'monde .
-Mins l'mårié, il èst tot neûr...
-C'èst bin m'gamin, t'as tot compris !
------------------------------
Revenir en haut Aller en bas
Voir le profil de l'utilisateur http://aberteke.org
Contenu sponsorisé




MessageSujet: Re: Christian Thirion   

Revenir en haut Aller en bas
 
Christian Thirion
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Votez pour notre ami Christian De Mitri ce chanteur talentueux !
» MémoArt de Quais de Christian AFFAGARD
» creation museum - christian fundamentalists' new project
» Bon anniversaire CHRISTIAN S
» L'affaire Christian Ranucci

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: