Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Henri-Joseph Raxhon

Aller en bas 
AuteurMessage
lucyin



Masculin Nombre de messages : 636
Age : 64
Localisation : Sidi Smayl Marok
Date d'inscription : 01/08/2006

MessageSujet: Henri-Joseph Raxhon   Sam 26 Oct - 14:54

https://wa.wikipedia.org/wiki/Henri-Joseph_Raxhon

e scrijhaedje di dvant Feller

Po les minmes bokets e rfondou, c' est so l' Aberteke :

http://rifondou.walon.org/Raxhon.php

S’on p’tit sopé

Duvant qu'i n'baguahe, Félicièn
Vôve mostrér qu'i-estait amistâve
Et camme i qwittéve lu vinâve
I-ènn avait prév'nou saqwants gins.

I rassôla quéqu's paroèssièns
Et, po fer lès honneurs du s'tâve
Duvant qui n'haguahe, Félicièn
Vôve mostrér qu'i-èsteût amistâve.

I-alla mème qwèri, non deû chien!
Quéquès vîlès poïawes ès s'câve
Et ses invités, gotte hèyâves,
Ainsi lî d'nît on maîsse côp d'main
Duvant qu'i n'baguahe, Félicièn !

dins Portraits, tåvleas, glawes et lawes, Vervî 1900, p. 75

A on-hamme coûquî â solo

Nu toumèz nin fôrbu, parèt,
Et s'prindéz todis bon corège
Ca s'vos féz tos si dars ovrèges
Voss' pauve coèrps s'ènn aflâwirè.

C'èst dès mâlès drogues qu'on v'faurrè
Adon po v'rumètte ènn allège ;
Nu tournéz nin fôrbu, parèt,
Et s'prindéz todis bon corège.

Sé-j' èco s'on v'ruwèrirè!
Ca l'docteûr, sins wai d'harbotèges,
Evôie ât cint diales qu'èls arège
Lès mâlhureûx qui s'y fyèt.....
Nu touméz nin fôrbu, parèt !

dins Portraits, tåvleas, glawes et lawes, Vervî 1900, p. 107

A Châle R...

Châle, t'esteûs pé qu'on-assoti
Lu joû q'nos magnîs l'crâsse crôpire
Amon l'Félicièn, èt j'poux dire
Quu tu nos as bram'mint d'vèrti.

Si t'fré tûzéve à nos d'fraiti
C'est toe, séze, qui nos a fait rire
Ca t'èsteûs pé qu'on-assoti
Lu joû q'nos magnîs l'crâsse crôpire.

Avou çoula todi ginti ;
Tès oûies èstit pleins d'aloumire.
Mains... on tût'léve aute choè q'de l'bire,
Et sins èsse gotte on-ebusti
Châle, t'èsteûs pé qu'on assoti !

dins Portraits, tåvleas, glawes et lawes, Vervî 1900, p. 76


Dernière édition par lucyin le Mer 5 Mar - 10:23, édité 3 fois
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 636
Age : 64
Localisation : Sidi Smayl Marok
Date d'inscription : 01/08/2006

MessageSujet: Re: Henri-Joseph Raxhon   Sam 26 Oct - 15:04

e scrijhaedje Feller

foû di :
https://wa.wikipedia.org/wiki/Antolodjeye_des_powetes_e_walon_d%27_apr%C3%A8s_Verv%C3%AE

Lu martchande du vète djote

Rafûlêye è s'bleûse cote,
Ile vint ainsi d'Djalhay,
Et, d'vins lès rawes, ile brait
Du s'grêye vwès «  dèl vète djote ! »

Duspôye â matin 'le trote,
Sèwant lès streûts pasês,
Rafûlêye è s'bleùse cote ;
Ile vint ainsi d'Djalhay.

Qwand 'le n'ènn'a pus fribote,
Came ile n'a wère du frais,
Avou su p'tit malkê
Ille è r'va-st-è s'houbote,
Rafûlêye è s'bleûse cote,

A hamê

El grande waide, avou leûs hamês,
I gripèt, tote one atèlèye ;
Et, tot tapant dès brêdirêyes,
Ont-i donc bon, cès p'tits gruzês !

D'esse dulahîs, qu'i sont-st-ètaits
Djans, loukîz-me on pô d'quéle vîrêye,
El grande waide, avou lens hamês,
I gripèt, tote one atèlèye

Adonc, came d'on canibustê
On laireùt stramer lès awèyes,
D'â d'zeur, i-ahûzèt-st-al valêye
Et s'duspârdèt d'tos lès bihês,
El grande waide avou leûs hamês !

Lu vî maçon.

Lu vî maçon, so l'batimint,
Sins s'bouhî djus, cumince su djâdje,
Et, tot loukant, â lon, â lâdje,
I clape voletî quéque vigreûs r'frain,

D'abitude, prindant fwêrt bin s'timps,
I-èst djinti came one bèle imâdje.
Lu vî maçon, so l'batimint,
Sins s'bouhî djus, finih' su djâdje.

Mins, a doze eures, s'i-a 'ne brique è s'main,
Ou bin si l'timps s'mèt' a l'dubâtche,
I. tape tot la, d'sègne d’one estâdje...
A l'eûre, i r'monte, bin pâhùlemint,
Lu vi maçon, so l'batimint.

 fait' d'one lète

Tot rintrant, oùy, dju louke è m'bwète :
Lu posse vunéve d'î mete one lète
Avou l'firme d'on gros filateûr.
Dju m'di : v’ci d'l'ovrèdje, qué boneûr !
Dj'ènn' aveù djustumint mèsâhe.
Djudjîz on pô si dj 'potchîve d'âhe
Tot tûsant a 1' « ordre » arivé ;
Et dèdja dj' féve on fameûs nez !

Dju n'pris nin l'timps dè magnî m'tâte.
Dju m'duhéve : «  qué bon camarâde !
Came su lète vint bin-a propôs !
I m'a sùr ruc'mandé bêcôp !
I n'a wère portant qu'dj'èl cunoh'.
I fât creûre qu'i-a d'l'ovrèdje a r'dohe
Qu’i pinse a mi po m'ènnè d'ner...
Et dèdja dj' féve on fameùs nez !

Dju prind m'lôrgnon èt dj' l'adjustèye ;
Sins r'protche, dju bâhe cisse lète bènèye :
Ille aléve combler tos mes d'sirs ;
I m'sonla qu'ile vinéve dè cîr !
Et, tot l'ducatchetant, dju m'rafêye...
Mais, mille.hus, ç'n'èsteût qu'one pasquêye,
Et dj'èsteù crânemint couyoné...
C'èst-a prame quu dj' fis on bê nez !
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 636
Age : 64
Localisation : Sidi Smayl Marok
Date d'inscription : 01/08/2006

MessageSujet: Re: Henri-Joseph Raxhon   Sam 26 Oct - 15:13

Les minmes tecses e rfondou

Li martchande di vete djote

Rafûlêye e s’ bleuse cote,
Ele vént insi d’ Djalhé,
Et, dvins les rowes, ele brait
Di s’ greye vwès « del vete djote ! »

Dpoy å matén ele trote,
Saiwant les stroets pazeas,
Rafûlêye e s’ bleuse cote ;
Ele vént insi d’ Djalhé.

Cwand n’ end a pus fribote,
Come ele n’ a waire di frais,
Avou si ptit malkea
Elle e rva-st e s’ houbote,
Rafûlêye e s’ bleuse cote.

A xhamea

El grande waide, avou leus xhameas,
I gripèt, tote ene atelêye ;
Et, tot tapant des braidireyes,
Ont i don bon, ces ptits gurzeas !

D’ esse dislaxhîs, k’ i sont-st etaits
Djans, loukîz m’ on pô d’ kéne virêye,
El grande waide, avou lens xhameas,
I gripèt, tote ene atelêye

Adon, come d’ on canibustea,
On laireut stramer les aweyes,
D’ å dzeu, ahûzèt-st al valêye
Et s’ dispårdèt d’ tos les bijheas,
El grande waide avou leus xhameas !

Li vî maçon.

Li vî maçon, so l’ bastimint,
Sins s’ bouxhî djus, kimince si djådje,
Et, tot loukant, å lon, å lådje,
I clape voltî kéke vigreus rfrin,

D’ abitude, prindant foirt bén s’ tins,
Il est djinti come ene imådje.
Li vî maçon, so l’ bastimint,
Sins s’ bouxhî djus, finixh si djådje.

Mins, a doze eures, s’ a ene brike e s’ mwin,
Oubén si l’ tins s’ mete a l’ disbåtche,
I tape tot la, dschind d’ èn astaedje...
A l’ eure, i rmonte, bén påjhulmint,
Li vi maçon, so l’ bastimint.

Å fwaite d’ ene lete

Tot rintrant, ouy, dji louke e m’ boesse :
Li posse vineut d’ î mete ene lete
Avou l’ firme d’ on gros filateur.
Dji m’ di : vci d’ l’ ovraedje, ké bouneur !
Dj’ end aveu djustumint mezåjhe.
Djudjîz on pô si dj’ potchive d’ åjhe
Tot tuzant a l’ ôrz arivé ;
Dedja, dji fjheu on fameus nez !

Dji n’ prinda nén l’ tins d’ magnî m’ tåte.
Dji m’ dijheu : « ké bon camaeråde !
Come si lete vént bén a propôs !
I m’ a seur ricmandé beacôp !
I n’ a waire portant k’ dj’ el kinoxhe.
I fåt croere k’ a d’ l’ ovraedje a rdoxhe
K’ i pinse a mi po m’ endè dner...
Dedja, dji fjheu on fameus nez !

Dji prin m’ lôrgnon et dj’ l’ adjustêye ;
Sins rprotche, dju båjhe cisse lete beneye :
Elle aléve combler tos mes dzirs ;
I m’ shonna k’ ele vineut do cir !
Et, tot l’ discatchtant, dji m’ rafeye...
Mais, milhu, ç’ n’ esteut k’ ene paskeye,
Et dj’ esteu crånmint couyoné...
C’ est aprume ki dj’ « fa « on bea nez !

So on ptit soper

Divant k’ i n’ baguaxhe, Felicyin
Vla mostrer k’ esteut amiståve
Et come i cwitéve li vijhnåve
End aveut prevnou sacwants djins.

I rashonna kékes parwesyins
Et, po fé les oneurs di s’ tåve
Divant k’ i n’ baguaxhe, Felicyin
Vla mostrer k’ esteut amiståve

Ala minme cweri, nondontchin
Kékès viyès poyowes è s’ cåve
Et ses invités, gote haeyåves,
Insi lyi dnît on mwaisse côp d’ mwin
Divant k’ i n’ baguaxhe, Felicyin

p. 75

A èn ome coûtchî oa solo

Ni toumez nén fôrbu, paret,
Et s’ prindoz todi bon coraedje
Ca s’ vos fjhoz tos si deurs ovraedjes
Vosse pôve coir s’ end aflåwirè.

C’ est des målès droukes k’ on vs fôrrè
Adon po vs rimete e-n alaedje ;
Ni toumez nén fôrbu, paret,
Et s’ prindoz todi bon coraedje

Sai dj’ eco s’ on vs riwerirè!
Ca l’ docteur, sins wai d’ harbotaedhes,
Evoye ås cint diåles k’ els araedje
Les målureus ki s’ î fiyèt.....
Ni toumez nén fôrbu, paret !

p. 107

A Tchåle R.

Tchåle, t’ esteus pé k’ èn assoti
Li djoû k’ nos magnîs l’ cråsse crompire
Amon l’ Felicyin, et dj’ pou dire
Ki ti nos as bråmint dverti.

Si t’ fré tuzéve a nos dfraiti
C’ est twè, saiss, ki nos a fwait rire
Ca t’ esteus pé k’ èn assoti
Li djoû k’ nos magnîs l’ cråsse crompire

Avou çoula todi djinti ;
Tes ouys estént plins d’ aloumire.
Mins... on tûtléve ôte tchoi k’ del bire,
Et sins esse gote èn ebusti
t’ esteus pé k’ èn assoti !

p. 76
Revenir en haut Aller en bas
Voir le profil de l'utilisateur http://aberteke.org
Contenu sponsorisé




MessageSujet: Re: Henri-Joseph Raxhon   

Revenir en haut Aller en bas
 
Henri-Joseph Raxhon
Revenir en haut 
Page 1 sur 1
 Sujets similaires
-
» Le Mafuta, Henri Jaspar, le Belgian Sailor
» anniversaire Henri (Engels)
» décès d'HENRI TROYAT
» Le Havre - Rue Henri Gautier
» Henri d'andeli

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: