Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Olivier Bodart

Voir le sujet précédent Voir le sujet suivant Aller en bas 
AuteurMessage
lucyin



Masculin Nombre de messages : 610
Age : 63
Localisation : Sidi Smayl Marok
Date d'inscription : 01/08/2006

MessageSujet: Olivier Bodart   Mer 21 Déc - 13:27

LA VATCHE DOU CHATÔ dès FÉES

Deu ç'timps la, i gn-avot, ni lôn d'Bèrtrès, in chatô qu'on leumot l'chatô dès fées. Lès fées avint eune vatche qu'alot pasteuré aveu lès-ôtes dou tropê d'Bertrès. In vatchî éstot payî pou mon.né lès bêsses dins lès tchamps seu l'ban d'Bertrès: on l'leumot l'èrdî.
On lî bayot ostant d' pîces deu mounöye qu'on lêchot nalé d'bêsses aveu l'tropê. Tchècun a leû toûr, les cinsîs d'vint nûri l'èrdî eune seumwin.ne deurant.
Quand c'èstot l'toûr dès fées, nost-èrdî trouvot toudi eune boune marinde acrotchîe al con.ne drwate deul bêsse, ratortîe dins in roudje tortchon.
Mês lès djins d'Bertrès s'deumandint bin pa dû ç'queu lès fées rintrint la vatche dins leû stôle. In bê djoûr, quand l'èrdî ramounot lès bêsses a l'intrée deu l'neut' pou lès ravoyé dins lès cinses deu Bertrès, deûs-oumes, in pö chôgnârds, ant chû la vatche dès fées qui deusvalot après lès Mûnôs.
Pou c'mècî, la vatche è fwêt crance deu rin... Pûs tout d'in cdp, la vla qui söte deudins in beuchon. Nös deûs-oumes s'arètant, i r'wêtant come i fôt dins l'beuchon èt t't-ôtoûr deu zeûs. Mês i n'ant jamwês veû in pwal deu l'vatche dès fées. Leu lond'mwin, il ant reuc'mècî, èt co bin dès cöps par après. Mês jamwês, ô grand jamwês i n'ant veu ceu queu la bêsse deuv'not.

Olivier Bodart, scoles di walon do Tchestea, diviè 1980.
Revenir en haut Aller en bas
Voir le profil de l'utilisateur http://aberteke.org
 
Olivier Bodart
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Les éditions de l'olivier
» A l'abri de rien/ Olivier Adam
» blog olivier s
» "La Normandie", par Olivier Chaline.
» Eure - LETELLIER x OLIVIER

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: