Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 René Chaumont

Voir le sujet précédent Voir le sujet suivant Aller en bas 
AuteurMessage
lucyin



Masculin Nombre de messages : 610
Age : 63
Localisation : Sidi Smayl Marok
Date d'inscription : 01/08/2006

MessageSujet: René Chaumont   Mer 21 Déc - 13:07

Po ‘ne loukåde

Vis-ènnè sov'nez-v', Mam'zèle ?
A l' Pass’rèle,
Po 'ne loukåde, dji lèya m' coûr
Si k'magni de må d'amoûr.
Vos-estiz bèle come l'Avierje,
Å bårèdje.
Moûse vis-èpwèrtéve å Ion...
Dji m'sinta mièrseù, so I' pont.
Dj'a fêt 'ne tchanson e rivadje,
Come on gadje.
Dj'a min.me trové 'ne pitite êr,
D'lé l’ pont d' fiêr.
Dj'a dis mès prumîs rimas
Ås batês.
Li vint qui coréve tot lå,
'Izès hapa.

On djoû, dji lî frè m’ dimande,
Å pont d' Wande.
Èle mi rèspondrè dèl main,
È corant dè pont Maghin.
Dji sèrè, lès brès' å lådje,
So I' pont d's-Åtches.
Sûr qui nos-oûy si r'djondront
So lès grés d' pire, å Noû Pont.

Di l'å-matin à l' vesprêye,
Mes pinsêyes,
Dè costé dè plat payis,
Vont cori.
Mins les-arondes dè rivadje
Qué damadje !
Tot r'montant lès flots d'årdjint,
Ni d'hèt rin...

Dj'a tant rawårdou, Mam'zèle,
So I' Pass'rèle.
Dj'a tant compté lès batês,
Lès mignoles èt lès pontês.
Dji n'a nin r'vèyou l'avièrje
Dè bårèdje.
Li vint n' m'apwèrta d'å lon
Qui lès flibotes d'ine tchanson:
Dji m' sovin di vosse sorire,
So l' pont d' pire.
Dès batlîs m'ont gruziné
Vos rimês.
Vos n' sårîz arèster m' coûse,
Dji sû Moûse.
Mins si l' vint toûne -bon-Diu sêt !
Vos l' veûrez :
L'amoùr nos f'rè bon vizèdje,
Å bårèdje.
Dji v’ dirè awè, dèl main,
Vès Maghin
Tapez-m' vos brès' grant-å lådje,
Å pont d's-Åtches :
Et nos deûs coûrs si djondront
So l' Noû Pont.

Cåzaedje : J.-D. Boussart
Muzike: Rene Fourré
Plake "matante Jane"


Dernière édition par lucyin le Mer 21 Déc - 13:15, édité 1 fois
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 610
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: René Chaumont   Mer 21 Déc - 13:15

È l' nut' påhûle

I.
È l' nut' påhûle
Qui nos rafûle,
Ine tchanson
S'ènonde å Ion.
Ine vile êr come nos mames tarlatît,
È l' iviér, qwand rim'nît lès bèrdjîs :
On tchant d'amoûr et d' påye
Qu'ine andje lèya so nos vôyes.

II.
On teût di strin,
Li steûle d'årdjint,
Lès treûs Rwès
Là qui passèt...
So l' campagne ossi blanke qu'ine bèrbis.
Doûce imådje d'on fråhûle paradis.
Dès vårlets fèt 'ne ronde danse
Po I' mamé qui rèy è s' banse.

III.
On l'a tant brêt
Et tant tchanté
Qui Noyé
È-st-arivé :
Noûve loumire vinowe de fond dès ans,
Fris' riya so lès lèpes di l'Èfant.
Nos vwès montèt, lèdjires,
Po fièsti li Fi de Cir.

E l' nut' påhûle
Qui nos rafûle...

Cåzaedje : J-D Boussart, so l’êr di "Stille Nacht"
Arindjmints del muzike: J-M Troisfontaine.
Revenir en haut Aller en bas
Voir le profil de l'utilisateur http://aberteke.org
 
René Chaumont
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Le Havre - Avenue René Coty
» René Alexis
» STAR ACADÉMIE 2012 - René Angélil de retour à l’Académie
» Décés de René Lepelley.
» René Lacoste

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Tchansons èyèt parôles-
Sauter vers: