Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Mimile

Voir le sujet précédent Voir le sujet suivant Aller en bas 
AuteurMessage
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Mimile   Jeu 13 Oct - 11:09

Maridjene

Ns esténs cåzu e djun ; el solea tapéve dedja foirt, di grand matén ;
Dji tchicotéve dins l’ corti et m’ fré tcherdjive les fours ;
Cwand ça a stî l’ eure di dinner on a rmoussî el måjhon.
El mame a criyî del coujhene « Screpez vos pîs sol payasson ! »
Adon ele nos dit k’ elle aveut des noveles des Troes Måjhones.
Vo n’ la-t i nén ki l’ Maridjene s’ a tapé dins les noerès aiwes do Ri d’ Rome !

Ladsu vla l’ pere ki dit a l’ mame e fjhant tourner li plat d’ saeyén :
« El pôve Maridjene n’ esteut nén foirt revoeyeye ; fijhoz passer l’ pwin !
Fårè rpasser tos les royons ås canadas, buter les fanes. »
El mame mi dit : « t’ voes, cwand dj’ î pinse, c’ est cwand minme biesse po cisse pôve Maridjene. »
On pôreut croere k’ i n’ arive djamåy rén d’ fameus ås Troes Måjhones.
Et ådjourdu Maridjene s’ a tapé dins les noerès aiwes do Ri d’ Rome !

Èm fré raconte k’ on djoû, lu, avou l’ grand sdåne di Nicolas
Il avént metou ene gurnouye dins l’ dos del Maridjene al seyance di cinema.
Et i m’ di co : « sovén tu ! ti lyi cåzéves li dierin dimegne, padrî l’ eglijhe
Sieve mu co ene miete do posson d’ bire ; li veye voci n’ est nén åjhey.
Dire ki dj’ l’ a veu l’ long del soyreye Wiyam, aeyir, ås Troes Måjhones,
Et k’ ådjourdu el Maridjene s’ a tapé dins les noerès aiwes do Ri d’ Rome !

Èm mame mame mi dit : « i m’ shonne, mi grand, k’ ti n’ as waire d’ apetit
Dj’ a fwait l’ graye tote el matinêye, et ti n’ as nén magnî pus k’ ene soris.
Away ! Li sour do djonne curé a passé avou s’-n oto
E djhant k’ ele vénreut dinner dimegne, ey ele racontéve co...
K’ elle aveut veu ene sakî ki ti rshonnéve, ås Troes Måjhones
Et k’ lu et Maridjene tapént ene sacwè dins les noerès aiwes do Ri d’ Rome.

I s’ a passé tote ene anêye, et pus nolu ni cåze del Maridjene.
Mi fré k’ s’ a metou e manaedje bén lon did ci est so ene cinse å fond des Fagnes.
L’ gripe espagnole ki rôdayive par ci a apicî l’ pere å moes d’ djanvî.
Dispu moman est todi scranse ; ele n’ est pus boune a rén.
Et mi, come ça, tenawete, dji va code sacwants fleurs d’ aloumwere, ås Troes Måjhones
Po ndaler les taper do hôt do pont d’ Hu dins les les noerès aiwes do Ri d’ Rome 

----
Cåzaedje : Philippe Antoine, sorlon li viye tchanson "Old Billy Jo" ; Muzike & tchantaedje : Vincent Delire (Mimile) ; plake « Nén ene åme »
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 606
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Mimile   Mar 12 Mar - 4:26

Pôve macrale

I.
On s’ anoyive dins les dondjons / Travos d’ brodreyes et pecayons / Tchessént al coure dins les andons : / Foircixhént l’ singlé, sounént l’ tocsin.
Princes di l’ eglijhe, tchapeas ås plomes / Panses bén rimpleyes, atoûs des femes / Tchantént e keur mizeréré
/ Et l’ tcharité sins si sbarer (2 côps).

Resploe :

L’ mizere coreut dins les rouwales / Les djins viként d’ grayons et d’ swele / Inte les bouwêyes et fagoter, / Li veuve Manisse ndaléve mexhner.
Pôve macrale ! Pôve macrale !
El diale n’ esteut djamåy bén lon / Avou ses sbires et ses pwezons / Sokyive voltî dins les fornis / Danséve sol plantchî des gurnîs.

II.
L’ prevot n’ atindeut waire rizêye / Cwand on cåzéve d’ emacralêye. / L’ Manisse s’ a rtrové e catchot; / Dayeur, elle aveut ene bosse so s’ dos (2 côps).

Resploe :
On lyi a broyî les oxheas / Pindou pås pwels, kitaeyî l’ pea. / A dit oyi a çk’ on a vlou / Po, paret i, wangnî s’ salut.
Pôve macrale ! Pôve macrale !

III.
Matén d’ ivier al Sint-Touma / On l’ a rosti dissu l’ fornea. / L’ foumire montéve eviè l’ Bon Biu / Noyive li valêye, les dzeus des toets.
Bénrade rvindowe a côp d’ tabeur / Po sognî l’ curé, payî l’ coû. / L’ feme do prevot a stî rnipêye / Avou les cotes di l’ essorçulêye (2 côps)

Resploe :
L’ tins a passé dissu l’ grand plaece, / Ou rostixhént les pôvès agaesses / Meritrént d’ esse canonijheyes / Mins ça n’ est nén co dimwin l’ voeye.
Pôve macrale ! Pôve macrale !

IV.
Breyîz sor nos, pôvès viyès macrales / Manisse, Goblet, et totes les ôtes. / A foice di todi fé drizion, / L’ monde a dandjî d’ vo benediccion. / ... benediccion

Resploe :
El diale n’ esteut djamåy bén lon / Avou ses sbires et ses pwezons / Sokyive voltî dins les fornis / Danséve sol plantchî des gurnîs (2 côps).

----
Tchanté pa Mimile (Vincant Delire), tecse da Philippe Antoine, muzike da Vincent Delire : Arindjmints : Roberto Gobessi.
Revenir en haut Aller en bas
Voir le profil de l'utilisateur http://aberteke.org
 
Mimile
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Mimile

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Tchansons èyèt parôles-
Sauter vers: