Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Arsene Soreil, rat. pa Léon Bukens

Voir le sujet précédent Voir le sujet suivant Aller en bas 
AuteurMessage
lucyin



Masculin Nombre de messages : 610
Age : 63
Localisation : Sidi Smayl Marok
Date d'inscription : 01/08/2006

MessageSujet: Arsene Soreil, rat. pa Léon Bukens   Mar 27 Avr - 7:14

Som'nis d'on gamin di nos-Årdènes

On trèyin so si spale, mi papa aléve co sovint nah'ter è bwès, a longuès-ascohèyes, passéve inte lès sapins po-z-aler so l' crèstê, la qu' n-aveût dès faw.

Dj'èl vèya rim'ni on djoû al breune, hèrtchant 'ne grosse faguine a s' cou et on sètch di hwèces, mitan so si spale, mitan so s' trèyin. Lèya toumer s' tchèdje al tére, distèla l' cwède loyant l' faguine et s'achiya so l' soû po s' rihaper 'ne miyète. Achou avou lu, dji n' dimora nin keû bin dè timps, èt dj'èl fa-st-assoti po qui m' fêsse potchî è l'êr so s' djino, come a cavaye...èt i s'mèta-st-a tchanter so l' cadince del muzique :
-Roum-dou-doum, Colas Roubin,
vosse tabeûr ni va nin bin,
vosse mèskène ni sét danser,
vosse vârlèt n'èl sét miner.-

A tos côps s' djino m'èvoyîve è l'êr èt dji hah'léve di tot m' coûr...
- Eco 'ne fèye, papa ! èco `ne fèye !-

Tot d'on côp, i s'arèsta, nah'ta è s' potche...
- Sèpez-v' bin qui dj'a rèscontré ?- d'manda-t-i
- Qui don, papa ?
- Dj' a rèscontré l' coucou, èt i m' a dit :
- N'avez-v' nin on p'tit èfant ?
- O awè, Moncheû l' coucou, dj'a-st-on p'tit valèt
-Adon, vos lî pwèt'rez çoula di m' pårt.

Et vola qui m' papa sôrta dèl potche di s' sârot, doûcemint, précieûsemint, come on trézôr, èwalpêye ènon gris papî...ine tâte di neûr pan a mitan souwêye, on pô racwèrnèye...

So l' côp dimèfiyant, dji hagna on p'tit bokèt dèl bètchète dès dints, adon pwis tote li tâte î passa, nin sins ponne, èlle èsteût 'ne miyète deûre...

-È-st-i bon l' pan dè coucou ?- mi d'manda-t-i.

Mon Diu, qu' c'èsteût bon ! Bin mèyeû qu' nosse pan d' tos lès djoûs !

Oûv. dji sé qui s' gos', èl divéve â feû, la qui m'papa aveût fêt cûre ine pètêye crompîre èt tchâfer s' cafè, âs sapins, as -mwètès fouyes, â mahèdje di totes lès-odeûrs dè grand bwès.
Revenir en haut Aller en bas
Voir le profil de l'utilisateur http://aberteke.org
lucyin



Masculin Nombre de messages : 610
Age : 63
Localisation : Sidi Smayl Marok
Date d'inscription : 01/08/2006

MessageSujet: Re: Arsene Soreil, rat. pa Léon Bukens   Mar 25 Mai - 10:49

Minme boket e rfondou] so l' forom éndjolike "Berdelaedjes"

http://berdelaedje.walon.org/viewtopic.php?p=2249#2249
Revenir en haut Aller en bas
Voir le profil de l'utilisateur http://aberteke.org
 
Arsene Soreil, rat. pa Léon Bukens
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Fauville-en-Caux
» Lebel, Les morts meurent 2 fois à St-Arsène

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: