Li walon d\'èmon nos-ôtes

forum pou lès dgins qui vwèyenu voltî leu lin.we
 
AccueilPortailFAQRechercherS'enregistrerMembresGroupesConnexion

Partagez | 
 

 Lucyin Mahin : tecses po ls efants

Voir le sujet précédent Voir le sujet suivant Aller en bas 
AuteurMessage
lucyin



Masculin Nombre de messages : 616
Age : 63
Localisation : Sidi Smayl Marok
Date d'inscription : 01/08/2006

MessageSujet: Lucyin Mahin : tecses po ls efants   Jeu 22 Avr - 5:34

Nosse pitit tchèt

Waîte li p'tit tchèt
Qu'èst dins mès brès
I s' lome Minou,
I dwame so m' chou
Dji n' saî nén poqwè
I d'meure bén au r'cwè,
Qui mougne dès waufrètes
Èt co dès galètes
Mins nén lès mizerètes.

Esplikêyes :
Ataquer : comincî
Arimia : powézîye
Tchot : pitit gamén
Strénde : rèssèrer
Chalé : qui rote tot satchant l' djambe
Glawène : pitite gamène
Cèp' : fiêr qui si rclape po-z apicî lès r'nauds
Chou: djèron, so m' chou: so mes gn'gnos
Au r'cwè : al cwète do vint et dè l' plouve
Mizerète : pitite soris, tchiperoûle.


Mès p'tits batias d' papî

Dji faî rider
Tot l' long do bî
Mès ptits batias d' papî.

Sins s' aroker
I vont naîvyî
Jusqu' à l' basse aus canîs.

Esplikêyes :
Rider : ènd' aler sins s' polu rateni
Aroker : dimorer à stok
Naîvyî : aler so l' aîwe
Basse : aîwe ki n' bodje nén
Canî : ouja d' poli, ki naîvîye voltî dins lès basses.

Li copiche, li coq d'awous' èt li dzi

I.

One copiche qui mode lès vatches
Ça n'ègzistêye nén
Ça n'ègzistêye nén

Mins

One qui mode dès amîlûres
Ça ègzistêye bén
Ça ègzistêye bén


II.

On coq d' awous' à vèlo
Ça n'ègzistêye nén
Ça n'ègzistêye nén

Mins

Onk qui potche pus d' on mète hôt
Ça ègzistêye bén
Ça ègzistêye bén

III .

On dzi qui tèche on tèchu,
Ça n'ègzistêye nén
Ça n'ègzistêye nén

Mins

Onk qu'on lomerè colèvrot,
Ça ègzistêye bén
Ça ègzistêye bén

IV

Mins : al tévé,
Èt dins lès bédés,
One copiche qui mode lès vatches
On coq d' awous' à vèlo
On dzi qui tèche on tèchu
Ça ègzistêye bén
Ça ègzistêye bén.

Esplikêyes:
Copiche : pitit insèke qui vike è bindes avou ene rin.ne.
Coq d'awous' : gros insèke qui potche dins lès fours.
Mode : fé rèche li lacia foû dès tètes d'one vatche.
Amîlûre : pitit insèke qui s'ataque aus plantes, à grandès bindes ; lès copiches vègnenut lètchî leû suke ; on dit k'èle lès modenut.
Potchî: sôteler.
Dzi: pitite vipére qui n' hagne nén.
Colèvrot : sinonime di dzi.
Tèchî: tricoter.
Tèchou: tricot.
Revenir en haut Aller en bas
Voir le profil de l'utilisateur http://aberteke.org
 
Lucyin Mahin : tecses po ls efants
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» couche enfant pipi au lit

Permission de ce forum:Vous ne pouvez pas répondre aux sujets dans ce forum
Li walon d\'èmon nos-ôtes :: Scrijeûs(e)s-
Sauter vers: