Li walon d'èmon nos-ôtes

Qwè-ce qui vos pinsèz qui faureut fé pou amwin.ner les djon.nes à daler vîr des pîces è walon? Ou pus râde, les amwin.ner à vîr voltî li wallon ?

Li débat è drouvu

Age : 71 Inscrit le : 10 Aoû 2006 Messages : 62

Oufti !
Grande kèsse èt nén aujîye rèsponse...C'èst deur di lès assatchî ! A tanawète on mirake : rare.
Vos è nn 'èstèz onk mins, mins... droci vos vos fyèz èto...rare
Dji m' dimande bén c'ki l' Lucyin va polu vos dîre èt sayî d' vos ècoradjî à continuwer d' cosèmer dè grinnes autou d' vos...
Po lès pîces, ptète k' il lès fauréve "radjonni" èt, ptète, piède dès vîs ki n' vont nén shûre.
I n' si faut nén alantchi mins kand ène bale èst tapêye, i gn' a bén wêre di ricasse... vêci come ôte pau.
Dji m' va sayî d' ratûzer à ça. Mins l' bole di cristâl s' va-t-èle lèyî lîre ? A bén rade ?

Gn a ene sacwè ki m' a todi sbaré dins les pîces di teyåte e walon. C' est kel redjixheu (u l' mwaisse del djowe) cåzéve e francès avou les djouweus.

Ça fwait ki les djonnes ki, d' astcheyance, saynut di s' rimete å teyåte, i voeyèt bén do côp ki tot çoula est artificiel. Dj' ô bén : ki ces djins la n' ont nén l' dår k' on rcåzaxhe e walon pattavå l' Walonreye.

Pareymint, les stadjes di l' UCW po les djonnes comedyins, i sont moennés ... e francès. Yves Paquet - li Bon Diu si åme - s' aveut margayî po çoula avou les boss di l' UCW, mins, al vude. I paretreut k' on n' si comprind nén si on cåze tertos e walon.

Ça fwait ki dji pinse ki les djonnes divrént dmander ås "vîs" ki djouwnut avou zels, d' elzî djåzer e walon, eto foû des repeticions eyet del pîce.

Insi, gn åreut motoit des ôtes djonnes ki vénrént, rén k' pol plaijhi di dvizer e walon podbon (et nén tot-z aprindant on tecse come a scole, et dins on lingaeje ki, por zels, est ene "langue etrindjire", cobén).

Dji va sayî di fé del riclame po ci fyi ci do forom, po-z aveur des ôtè djins ki vénront "dire li leur".

Dj' endè cåze :

so "Berdelaedje"

http://berdelaedje.walon.org/viewtopic.php?p=1528#1528

so "Toudi" :

http://forum.toudi.org/viewtopic.php?p=40147#40147

so Wikinoveles :

http://wa.wikipedia.org/wiki/Wikinoveles

... et so l' Aberteke ki vént (dins 15 djoûs)

http://aberteke.walon.org/

oyi c'èst l'vré, c'èst-in détail mins i faureut qui lès meteu à l'scin.ne (dji mi mèt ètou dins l'satch asteure, sins vlu awè in grans goyi farao

) causenut walon avou lès comédyiens. Mins savèe pou mi ci n'èst nén aujîye, mès "djon.nes" coumincenut seulmint à sawè li lîre èyèt ritnu leus tekstes adon dji n'va nén lès oblidgî à divnu bilinwe directumint. Emon nos-autes , lès vîs, on causenut li pus sovint è walon mins c'èst l'vré qui c'èst toudis l'françès qui l'èpwate. Li premî pas à fé, dilé nos-autes, c'èst di présinter l'pîce (a l'fé dèl pîce adon) è walon, èyèt nén è françès. mins çoula, i gn-ara toudis bén yink pou fé d'aler s'linwe èyèt di dire qui si ça n'nos plét nén, nos n'avons qu'à daler ôte pau...